ភ្នំពេញ ៖ គ្រោះថ្នាក់ចរាចរណ៍ខាងលើនេះបានកើតឡើង ដោយសាបុរសម្នាក់ បើករថយន្តកូរ៉ូឡា មួយគ្រឿងច្រឡំផ្លូវធ្លាក់ចូលវាលស្រែ ក្រឡាប់អូសជាច្រើនម៉ែត្រផ្ងារជើង បណ្តាលឲ្យតៃកុងរថយន្តរងរបួសធ្ងន់ ត្រូវបានបញ្ជូនទៅសង្គ្រោះបន្ទាន់មន្ទីរពេទ្យ។ 

ហេតុការណ៍នេះបានកើតឡើង កាលពីវេលាម៉ោង២៣ និង៣០នាទី យប់ថ្ងៃទី៧ ខែកញ្ញា ឆ្នាំ២០២០ ចំណុចមុខវត្តធម្មត្រៃយ៍ ស្ថិតតាមបណ្ដោយផ្លូវ៣០ម៉ែត្រ ក្នុងសង្កាត់ព្រៃស ខណ្ឌដង្កោ រាជធានីភ្នំពេញ ។

ប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គេឃើញបុរសម្នាក់បើករថយន្តកូរ៉ូឡា ពណ៌ស ពាក់ស្លាកលេខ ភ្នំពេញ 2A 6228ធ្វើដំណើរក្នុងទិសដៅពីលិចទៅកើត ក្នុងល្បឿនលឿន ខណៈមកដល់ចំណុចកើតហេតុខាងលើ បានធ្លាក់ផ្លូវក្រឡាប់ផ្ងារជើងឡើងលើអូសជាច្រើនម៉ែត្រ បណ្ដាលឲ្យតៃកុងជាប់ក្នុងកាប៊ីន រងរបួសធ្ងន់ ត្រូវបានប្រជាពលរដ្ឋ និងសមត្ថកិច្ចជួយគាស់ចេញពីរថយន្តដឹកយកទៅសង្គ្រោះភ្លាមៗ ។ ភ្លាមៗក៏មានសមត្ថកិច្ចជំនាញមូលដ្ឋាន បានចុះមកដល់កន្លែងកើតហេតុតែដោយសារមិនបះពាល់សម្បត្តិរដ្ឋ ទើបឲ្យក្រុមគ្រួសារស្ទូចយករថយន្តនេះទៅជួសជុលខ្លួនឯង៕ដោយ÷សួង សាម

from： https://tnaot.com/km/m/detail/article/9671714