Sign In 
កម្លាំងនរគបាលស្រុកស្វាយជ្រំ សហការជាមួយកម្លាំងនគរបាលយុត្តិធម៌ បានធ្វើការឃាត់ខ្លួនមន្ត្រីកងរាជអាវុធហត្ថម្នាក់ រួមទាំងវត្ថុតាង បញ្ជូនទៅកាន់អធិការដ្ឋាន ស្រុកខ្សាច់កណ្តាល ដើម្បីធ្វើការសាកសួរនិងបញ្ជូនទៅតុលាការ ចាត់វិធានការតាមច្បាប់។
កាលពីវេលាម៉ោង១០យប់ថ្ងៃទី១០ ខែកក្កដា ឆ្នាំ២០២០ មានករណីអំពើហិង្សាមួយបានកើតឡើងនៅចំណុចភូមិស្វាយជ្រំ ឃុំស្វាយជ្រំ ស្រុកខ្សាច់កណ្តាល ខេត្តកណ្ដាល ដោយមន្ត្រីយោធាត្រែទ័ព និងមន្ត្រីកងរាជអាវុធហត្ថវាយតប់គ្នា បណ្តោលឲ្យមានរបួសស្នាម ។
ជនរងគ្រោះនាក់ឈ្មោះ លាង សុធី ភេទប្រុស អាយុ២៦ឆ្នាំ មុខរបរជាមន្ត្រីយោធា(កងកិត្តិយសត្រែទ័ព) មានទីលំនៅភូមិស្វាយជ្រំ ឃុំស្វាយជ្រំ ស្រុកខ្សាច់កណ្តាល ខេត្តកណ្ដាល (របួសបែកក្បាល១កន្លែង។
ចំណែកជនសង្ស័យឈ្មោះ ជា សង្ហា ភេទប្រុស អាយុ៣១ឆ្នាំ មុខរបរជាមន្ត្រីកងរាជអាវុធហត្ថ (អង្គភាពកងរាជអាវុហត្ថខណ្ឌដូនពេញ) មានទីលំនៅភូមិស្នាពីមុខ ឃុំ ព្រែកខ្ពប ស្រុកឯកភ្នំ ខេត្តបាត់ ដំបង (ឃាត់ខ្លួន) ជាមួយវត្ថុតាងអាវុធខ្លី ម៉ាកK54.១ដើម -បង់០១ – គ្រាប់៨គ្រាប់ ។
មូលហេតុដែលបង្កឱ្យកើតមានជម្លោះខាងលើនេះ នៅវេលាម៉ោងខាងលើ ជនសង្ស័យបានជិះម៉ូតូឌុបប្រពន្ធ និងប្អូនស្រីចេញពីកម្មវិធីឡើងគេហដ្ឋានគេនៅបុរីចតុមុខ ភូមិស្វាយជ្រំ ឃុំស្វាយជ្រំ ស្រុកខ្សាច់កណ្តាល បានត្រឡប់ទៅភ្នំពេញវិញពេលជិះមកដល់ផ្លូវកៅស៊ូ ក៏ជួបជនរងគ្រោះកំពុងជិះម៉ូតូស្របទិសគ្នា ហើយក៏មានទំនាស់ពាក្យសម្ដីនឹងគ្នា រឿងភ្លើងម៉ូតូចាំងភ្នែក រួចក៏វាយប្រតាយប្រតប់គ្នា រំពេចនោះ ជនសង្ស័យបានដកកាំភ្លើងខ្លី ពីចង្កេះវាយជនរងគ្រោះត្រូវចំក្បាល បណ្ដាលឲ្យរបួសធ្ងន់៕ ដោយ៖ ត្នោត
