Sign In 
អង់គ្លេស ៖ កីឡាករ Mason Greenwood របស់ក្រុម Man United និងកីឡាករ Phil Foden របស់ក្រុម Man City ត្រូវបានដកឈ្មោះចេញពីក្រុមជម្រើសជាតិអង់គ្លេស មុនជំនួបជាមួយដាណឺម៉ាកនៅរាត្រីនេះ បន្ទាប់ពីបានរំលោភបំពានច្បាប់ការពារ ការឆ្លងរាលដាលនៃរីរុសកូវីដ១៩។
អ្នកចាត់ការទូទៅ លោក Gareth Southgate បានបញ្ជាក់ថា អ្នកទាំងពីរបានរំលោភគោលការណ៍ណែនាំ ដើម្បីបង្ការការឆ្លងវីរុសនេះ។
រឿងនេះបានបែកធ្លាយ បន្ទាប់ពីវីដេអូមួយ ដែលបង្ហោះដោយនារីម្នាក់ ក្នុងចំណោម ២នាក់ ត្រូវបានចុះផ្សាយពេញប្រព័ន្ធផ្សព្វផ្សាយនៅអ៊ីស្លង់ ដែលបង្ហាញពីវត្តមានពួកគេនៅក្នុងបន្ទប់សណ្ឋាគារមួយកាលពីថ្ងៃអាទិត្យ ពោលគឺនៅក្រោយការប្រកួតយកឈ្នះលើក្រុមជម្រើសជាតិអ៊ីស្លង់ ដោយលទ្ធផល ១-០។
បច្ចុប្បន្នទាំង Foden និង Greenwood ត្រូវបានដកចេញពីការហ្វឹកហាត់កាលពីថ្ងៃច័ន្ទ ហើយតម្រូវឲ្យនៅដាច់ដោយឡែកពីអ្នកដទៃ តាមគោលការណ៍បានកំណត់ ខណៈដែលសមាគមបាល់ទាត់អង់គ្លេស (FA) បានកំពុងបើកការស៊ើបអង្កេតចំពោះរឿងនេះ។
ដោយឡែកអ្នកនាំពាក្យរបស់ប៉ូលីសប្រចាំទីក្រុង Reykjavik ប្រទេសអ៊ីស្លង់ បានថ្លែងប្រាប់ BBC ឲ្យដឹងថា កីឡាករទាំង ២ ក៏ត្រូវបានទទួលរងការពិន័យ ដែលគិតជាទឹកប្រាក់ចំនួន ១,៣៦០ផោនផងដែរ៕ ផ្តល់សិទ្ធដោយ៖កោះសន្តិភាព
