Sign In 
សមត្ថកិច្ច គ្រោងបញ្ជូនសំណុំរឿងផ្ទុកអាវុធខុសច្បាប់ និងដាវសាម៉ូរ៉ៃ ទៅតុលាការ ដើម្បីធ្វើការសាកសួរ និងចោទប្រកាន់តាមផ្លូវច្បាប់។
ជនសង្ស័យទាំងពីរមានឈ្មោះថា ឈ្មោះ សេង សោម អាយុ២៥ឆ្នាំ រស់នៅភូមិទួលថ្ម ឃុំតាលោ ស្រុកតាលោសែនជ័យ និងម្នាក់ទៀតឈ្មោះ ពឿន ប៉ាង អាយុ២១ឆ្នាំ រស់នៅភូមិទួលគគីរ ឃុំស្តុកប្រវឹក ស្រុករុក្ខគិរី ខេត្តបាត់ដំបង។
មុនពេលកើតហេតុ គេបានប្រទះឃើញជនសង្ស័យទាំងពីរនាក់ បានជិះម៉ូតូ១គ្រឿង ពេលយប់ម៉ាក KR ពណ៌ក្រហម ស៊េរីឆ្នាំ២០១៧ ពាក់ផ្លាកលេខ ភ្នំពេញ ១GE-៩៩១០ តាមខ្នងប្រឡាយ១៧ មេសា។ លុះមកដល់ចំណុចកើតហេតុ ខណៈពេល មានការចុះល្បាត តាមគោលដៅសំខាន់ៗ ក្នុងភូមិសាស្ត្រ របស់កម្លាំងនគរបាលខេត្ត ទទួលបន្ទុកផែនព្រហ្មទណ្ឌ ក៏បានធ្វើការឃាត់ម៉ូតូជនសង្ស័យទាំងពីរ រួចក៏ ពិនិត្យឃើញកាំភ្លើងខ្លី១ដើម និងដាវសាមូរ៉ៃ១ផងដែរ។
ជនសង្ស័យទាំង២នាក់ ត្រូវបានឃាត់ខ្លួនទុក នៅអធិការរដ្ឋាននគរបាលស្រុកតាលោសែនជ័យ ដើម្បីកសាងសំណុំរឿងបញ្ជូនទៅសាលាដំបូងខេត្ត។
ជាមួយគ្នានេះ សមត្ថកិច្ចបានធ្វើការដកហូតវត្ថុតាង ដែលរួមមាន៖ កាំភ្លើងបុកហ្កាស១ដើម ដាវសាមូរ៉ៃ១ដើម និងទួរណឺវីស០១ផងដែរ៕ ដោយ៖ ត្នោត
