នៅថ្ងៃសុក្រនេះរដ្ឋាភិបាលថៃបានរាយការណ៍ថា ប្រទេសថៃមិនមានករណីថ្មីនៃ​អ្នកឆ្លងមេរោគកូវីដ-១៩នោះទេ ហើយក៏មិនមានអ្នកស្លាប់ថ្មីដែរ ដែល​ធ្វើឱ្យ​អ្នកឆ្លងជំងឺសរុបកើនឡើងដល់​ ៣ ២០២នាក់ ហើយអ្នកស្លាប់​នៅរក្សាចំនួន ៥៨នាក់ដដែល។

មជ្ឈមណ្ឌល​រដ្ឋបាលគ្រប់គ្រងស្ថានភាពមេរោគកូវីដ-១៩ បានមានប្រសាសន៍ថា គិតមកដល់ថ្ងៃនេះ ប្រទេសថៃមាន ៤៦ថ្ងៃហើយដែលមិនមានអ្នកឆ្លងមេរោគកូវីដ-១៩ក្នុងតំបន់។ ក្នុងចំណោម​អ្នកជំងឺទាំង ៣ ២០២នាក់ មាន ៣០៨៧នាក់ បានជាសះស្បើយ និងបន្សល់ទុកអ្នកជំងឺចំនួន ៥៧នាក់ កំពុងសម្រាកព្យាបាលនៅមន្ទីរពេទ្យនៅឡើយ​។

​​គិតមកដល់ថ្ងៃនេះ អ្នកឆ្លងមេរោគកូវីដ-១៩នៅទូទាំងពិភពលោកមានចំនួន ១២.៣៩ លាននាក់ និងមាន​អ្នកស្លាប់​សរុប​ចំនួន ៥៥៧ ៤០៥នាក់។ សហរដ្ឋអាមេរិកមានអ្នកឆ្លងច្រើនបំផុតគឺ ៣.២២លាននាក់។ ប្រទេសប្រេស៊ីលជាប់ចំណាត់ថ្នាក់ទី២ ដែលមានអ្នកឆ្លងចំនួន ១.៧៦លាននាក់៕ 

កែសម្រួលដោយ៖ ភារ៉ា

ប្រភព៖ Bangkok pos

from： https://tnaot.com/km/m/detail/article/9470233