បាល់ទាត់៖ ក្លិប RB Leipzig ឈានដល់កិច្ចព្រមព្រៀងជាមួយក្លិប Monaco លើការផ្ទេរខ្សែការពារស្លាបស្តាំ Benjamin Henrichs ក្នុងលក្ខខ័ណ្ឌខ្ចីជើងមួយរដូវកាល។

ក្លិប Leipzig បានចុះកុងត្រាជាមួយខ្សែការពារ Henrichs លើកិច្ចសន្យាខ្ចីជើងរយៈពេលមួយរដូវកាលជាមួយនឹងជម្រើសក្នុងការទិញកីឡាករជម្រើសជាតិអាល្លឺម៉ង់វ័យ ២៣ ឆ្នាំរូបនេះផ្តាច់ពី Monaco ផងដែរ។ ខ្សែការពាររូបនេះបានបង្ហាញខ្លួនចំនួន ១៣ ប្រកួតក្នុងលីគកំពូលបារាំង មុនរដូវកាលនេះត្រូវបានផ្អាកដោយសារតែជំងឺផ្លូវដង្ហើមកូវីដ-១៩។

ក្រោយក្លិបទាំងពីរព្រមព្រៀងគ្នារួចមក កីឡាករ Henrichs នឹងវិលត្រឡប់ទៅកាន់ប្រទេសកំណើតរបស់គេនៅអាល្លឺម៉ង់វិញ បន្ទាប់ពីផ្លាស់ទៅចូលរួមជាមួយ RB Leipzig នៅរដូវកាលក្រោយ៕

កែសម្រួលដោយ៖ ភារ៉ា

ប្រភព៖ livescore

from： https://tnaot.com/km/m/detail/article/9467087