ជនរងគ្រោះពីរនាក់ម្តាយ​កូន​ត្រូវបានជួយសង្គ្រោះ បន្ទាប់ពីរថយន្តរបស់ពួកគេបានជាប់​ផុងនៅក្នុងទឹកជំនន់​នៃទីក្រុង Pattaya ​​កាលពីរសៀលម្សិលមិញ។  

កាលពីម្សិលមិញមានភ្លៀងធ្លាក់មួយមេយ៉ាងធំ​ដែល​ភ្លៀងរយៈពេលពីរម៉ោងជាប់គ្នា។ ឡានពណ៌ខ្មៅរបស់ជនរងគ្រោះ​បានជាប់​នៅក្នុងទឹកជំនន់ក្បែរផ្លូវរថភ្លើងនៃភូមិ Soi Khao Talo ដែលក​ម្រិតទឹកមានកម្ពស់ស្ទើរតែ​លិចដំបូលឡានទៅហើយ។  

អ្នកបើកឡានជាស្ត្រីឈ្មោះ​ Sukanya Rueangsawat មានកូនប្រុសម្នាក់រួមដំណើរជាមួយ ត្រូវបានជួយសង្គ្រោះឱ្យមានសុវត្ថិភាពដោយមានជំនួយពីអ្នកស្រុកនិងប៉ូលិសចរាចរណ៍។

ជនរងគ្រោះបានប្រាប់កាសែតThe Pattaya News ថាទឹកជំនន់​បានកើនឡើងយ៉ាងលឿនហើយជន់លិចឡានរបស់​គាត់ពេលកំពុងធ្វើដំណើរតាមដងផ្លូវ។ ពេលដែលទឹកចាប់ផ្តើមឡើងកម្ពស់ អ្នកស្រីបាន​ព្យាយាមបើកទ្វារឡានណាស់ដែរ​ ប៉ុន្តែមិនអាចបើកបានសោះ។ លោក​ Chanwit Poechaicub​ មន្ត្រីការពារគ្រោះមហន្តរាយធម្មជាតិបានប្រាប់កាសែត​ The Pattaya News ថាដំបូងឡើយលោកបានឃើញហេតុការណ៍នេះ ហើយលោកបានព្យាយាមវាយបំបែកកញ្ចក់ឡានដើម្បី​ជួយយកស្ត្រីនិងក្មេងប្រុសរងគ្រោះចេញពីឡាន។ បច្ចុប្បន្នជនរងគ្រោះទាំងពីរមានសុវត្ថិភាពហើយ៕

កែសម្រួលដោយ៖ ភារ៉ា

ប្រភព៖ The pattaya news

from： https://tnaot.com/km/m/detail/article/9465762