Sign In 
បាត់ដំបង:បុរសជាជាងផ្សារដែកម្នាក់ត្រូវបានឆក់ស្លាប់ភ្លាមៗខណ:កំពុងផ្សារដែកសង់រោងដាក់លក់ទំនិញ
ប្រភពព័ត៌មានពីបងប្អូនប្រជាពលរដ្ឋនៅទីតាំងកើតហេតុបានដឹងថានៅវេលាម៉ោង០៩និង១០នាទី ថ្ងៃទី០៧ ខែកក្កដា ឆ្នាំ២០២០ ជនរងគ្រោះឈ្មោះ វ៉ន មករា ភេទប្រុស អាយុ ៣១ឆ្នាំ មុខរបរជាងផ្សារដែកមានទីលំនៅក្នុងភូមិ រំចេក១ សង្កាត់រតនៈ ក្រុងបាត់ដំបង បានទៅស៊ីឈ្នួលសង់រោងលក់ទំនិញអោយឈ្មោះ វី រ៉ា ភេទស្រី អាយុ ៣៧ឆ្នាំ នៅចំណុចក្រុមទី០៧ ភូមិសាលាបាឡាត់ សង្កាត់អូរម៉ាល់ ក្រុងបាត់ដំបង។
គ្រាដែលជនរងគ្រោះកំពុងផ្សារដែកនៅលើដំបូល ក៏បានលើកដែកទៅប៉ះនឹងខ្សែកាបអគ្គិសនី ក៏បណ្តាលអោយឆ្លងចរន្តឆក់ធ្លាក់ចុះមកដី ភ្លាមនោះក្រុមជាងបាននាំគ្នាដឹកយកទៅសង្គ្រោះនៅមន្ទីរពេទ្យដែរ តែជាអកុសលជនរងគ្រោះបានស្លាប់មុនពេលបញ្ជូនមកកាន់មន្ទីរពេទ្យទៅហើយ។
ក្រោយកើតហេតុសពជនរងគ្រោះត្រូវបានក្រុមគ្រួសារទទួលយកទៅដើម្បីរៀបចំធ្វើបុណ្យតាមប្រពៃណី៕ ផេង ភាព
