បន្ទាប់ពីការដកខ្លួនរបស់មេដឹកនាំក្រុមតារាចម្រៀង AOA គឺកញ្ញា Jimin ពីក្រុមនេះមក ក្រុមនារីដែលមានសមាជិក ៤នាក់នេះ បានប្រកាសថា ពួកគេនឹងមិនចូលរួមក្នុងកម្មវិធី Wonder Woman Festival 2020 នោះទេ ។ 

នៅថ្ងៃទី ៦ ខែកក្កដានេះ ផលិតកម្ម FNC Entertainment ក៏បានចេញសេចក្តីថ្លែងការណ៍​មួយ​ទាក់ទងនឹង​ការដកខ្លួនរបស់ក្រុម AOA ក្នុងព្រឹត្តិការណ៍ Wonder Woman Festival 2020 នេះផងដែរ ។ ដោយសារតែមានការដកខ្លូនចេញរបស់មេក្រុមពួកគេ ទើបក្រុមមួយនេះសម្រេចចិត្តមិនចូលរួមក្នុងព្រឹត្តិការណ៍នេះ ។

គួរបញ្ជាក់ដែរថា ព្រឹត្តិការណ៍ Wonder Woman Festival 2020 នេះ ត្រូវបានគ្រោងធ្វើនៅថ្ងៃទី២៦ ខែកញ្ញានៅ Nanji Han River Park ក្នុងទីក្រុង Seoul ៕

ប្រែសម្រួលដោយ៖​ វិបុត្រ

ប្រភព៖​ allkpop

from： https://tnaot.com/km/m/detail/article/9458793