បាល់ទាត់៖ អ្នកចាំទី Robin Olsen បានប្រកាសពីការចាកចេញពីក្លិប Cagliari ក្រោយផុតកុងត្រាក្នុងលក្ខខណ្ឌខ្ចីជើងពីក្លិប Roma។

អ្នកចាំទី Olsen បដិសេធមិនព្រមចុះកុងត្រារយៈពេលខ្លីជាមួយ Cagliari ដើម្បីបន្តលេងឱ្យចប់រដូវកាលនេះទេ ហើយសម្រេចវិលត្រឡប់ទៅកាន់ក្លិបអាណាព្យាបាល Roma វិញ។ Cagliari បានចុះហត្ថលេខាយក Olsen ក្នុងលក្ខខណ្ឌខ្ចីជើងត្រឹមមួយរដូវកាលប៉ុណ្ណោះ ដើម្បីមកជំនួសអ្នកចាំទី Alessio Cragno ដែលមានបញ្ហារបួសស្មាធ្ងន់ធ្ងរចាប់តាំងពីដើមរដូវកាលមក។ យ៉ាងណាមិញ ក្រោយ Cragno ជាសះស្បើយពីរបួស Olsen សម្រេចមិនបន្តកុងត្រាថ្មីទេ ដោយទុកឱកាសឱ្យអ្នកចាំទីរូបនេះបង្ហាញខ្លួនសម្រាប់កាប្រកួតដែលនៅសេសសល់ក្នុងក្របខ័ណ្ឌ Serie A រដូវកាលនេះ។

ក្រោយចាកចេញ អ្នកចាំទី Olsen បានសរសេរនៅលើ Instagram ថា ខ្លួនពិតជាអរគុណដល់ក្លិប មិត្តរួមក្រុម និងអ្នកគាំទ្រទាំងអស់ សម្រាប់ពេលវេលាដ៏អស្ចារ្យជាមួយគ្នាកន្លងមក៕

កែសម្រួលដោយ៖ ភារ៉ា

ប្រភព៖ football-italia

from： https://tnaot.com/km/m/detail/article/9447754