ផ្សា​រ Ying Charoen ក្នុងស្រុក ​Bang Khen នៃក្រុងបាងកកត្រូវបានអនុញ្ញាតឱ្យបើកដំណើរការឡើងវិញបន្ទាប់ពីអគ្គិភ័យបានបំផ្លាញតូបប្រហែល ១៦០តូប។

គ្មាននរណាម្នាក់រងរបួសទេនៅក្នុងហេតុការណ៍នេះ។ ការឆាបឆេះនៅក្នុងបរិវេណផ្សារ​ដែលមានទំហំ ៣០រ៉ៃ ត្រូវបានគេរាយការណ៍ថា បានចាប់ផ្តើមនៅហាងនំប៉័ងមួយនៅម៉ោងប្រហែល ៣ ទៀបភ្លឺកាលពីថ្ងៃព្រហស្បតិ៍ហើយបានរាលដាលដល់តូបនៅក្បែរនោះ។ អ្នកពន្លត់អគ្គិភ័យបានចំណាយពេលប្រហែល ២ម៉ោង ដើម្បី​ពន្លត់ភ្លើង។ ក្រុមមន្រ្តីប៉ូលិសបាននិយាយថាអ្នកលក់ប្រហែល ២០០នាក់រងផលប៉ះពាល់ដោយសារភ្លើងបានឆាបឆេះតូប​។ បច្ចុប្បន្នពួកគេតម្រូវឱ្យលក់ទំនិញ​នៅ​តាមចំណតរថយន្តផ្សារ​ជាបណ្តោះអាសន្នសិន។

ប្រហែល ១០% នៃរចនាសម្ព័ន្ធផ្សារត្រូវបានខូចខាតនិងត្រូវបានបិទទ្វារ ខណៈដែលតូបចំនួន ៧០% បានបើកដំណើរការវិញ។ ក្នុងចំណោមការខូចខាតទាំងអស់គេឃើញថា​ ​ហាងលក់មាសមួយ​ទទួលរងការខូចខាតដល់ទៅជាង ១លានបាត។

កែសម្រួលដោយ៖ ភារ៉ា

ប្រភព៖ Bangkok Post

from： https://tnaot.com/km/m/detail/article/9447713