ម្ចាស់ផលិតកម្មរបស់លោក Noh Min Woo បានបដិសេធថា គាត់មិនមានទំនាក់ទំនងស្នេហាជាមួយតារាស្រីជនជាតិជប៉ុន Ayase Haruka នោះទេ ។

យោងតាមរបាយការណ៍របស់ទស្សនាវដ្តីជប៉ុន Female Seven នៅថ្ងៃទី១ ខែកក្កដានេះ លោក Noh Min Woo និងកញ្ញា Ayase Haruka ត្រូវបានគេនិយាយថា ពួកគេទាំងពីរមានទំនាក់ទំនងស្នេហា។ តារាទាំងពីរបានជួបគ្នាកាលពី ២ឆ្នាំមុន ហើយបានចាប់ផ្តើមទាក់ទងគ្នានៅខែកក្កដាឆ្នាំ ២០១៨ ។

ម្ចាស់ផលិតកម្ម MJ Dreamsys របស់ Noh Min Woo បាននិយាយថា ពាក្យចចាមអារ៉ាមនេះមិនពិតទេ ខណៈដែលផលិតកម្មរបស់តារាស្រីរូបនេះបានបញ្ជាក់ថាពួកគេគ្រាន់តែជាមិត្តភក្តិប៉ុណ្ណោះ ។

Noh Min Woo ត្រូវបានគេស្គាល់ថា ជាអតីតអ្នកវាយស្គររបស់ក្រុម TRAX ហើយថ្មីៗនេះគាត់បានសម្តែងនៅក្នុងរឿងភាគថ្មីមួយ ដែលមានចំណងជើងថា “Partners for Justice 2” របស់ស្ថានីយទូរទស្សន៍ MBC ៕

ប្រែសម្រួលដោយ៖ វិបុត្រ

ប្រភព៖ allkpop

from： https://tnaot.com/km/m/detail/article/9445120