កាលពីយប់មិញ ការប្រកួតរវាងក្លឹបបិសាចក្រហម Manchester United និងក្លឹប Brighton Hove Albion បានធ្វើឡើងនៅទឹកដី American Express Stadium របស់ក្រុម Brighton ដែលលទ្ធផលបានបញ្ចប់ទៅដោយ បិសាចក្រហមបានយកឈ្នះក្នុងលទ្ធផល 3-0។

បីគ្រាប់របស់ Manchester United រកបានដោយកីឡាករចំណូលថ្មី Bruno Fernandes ចំនួន២គ្រាប់ និងកីឡាករវ័យក្មេង Mason Greenwood មួយគ្រាប់។ លទ្ធផលនេះបានធ្វើអោយ Manchester United បន្តកំណត់ត្រារបស់ខ្លួនដែលមិនចាញ់សោះ ចំនួន១៥ប្រកួតជាប់គ្នាគ្រប់ក្របខណ្ឌ័ទាំងអស់។

គួរបញ្ជាក់ផងដែរថា Manchester United កំពុងប្រជែង Top 4 ដ៏តានតឹងនៅ Premier League ដោយបច្ចុប្បន្ន នៅចំណាត់ថ្នាក់លេខ ៥ មាន ៥២ពិន្ទុ តាមពីក្រោយ Chelsea ចំណាត់ថ្នាក់លេខ ៤ ដែលមាន ៥៤ ពិន្ទុ។ ការប្រកួតនៅអង់គ្លេសនៅសល់ប្រមាណ ៧ ប្រកួតទៀតចប់រដូវកាល។ តើ Man Utd ពិតជាអាចដណ្តើម Top 4 ពី Chelsea វិញរឺទេ?

ប្រភព៖ Goal.com

from： https://tnaot.com/km/m/detail/article/9443744