​តាមប្រភពប៉ូលិសបានឱ្យដឹងថា ប៉ូលិសល្បាតព្រំដែនម្នាក់បានប្រគល់ខ្លួនឱ្យប៉ូលិស​ស្រុក Muang បន្ទាប់ពី​​មានការបាញ់ប្រហារគ្នាររវាងមនុស្សពីរក្រុម​ក្នុងស្រុក​ Muang ​នៅព្រឹកថ្ងៃអាទិត្យនេះដែលបានបណ្តាលឱ្យមនុស្សម្នាក់ស្លាប់និងពីរនាក់រងរបួសធ្ងន់។

រូបតំណាង

លោក​ Pornchai Jaemchua​ ជាមន្ត្រីប៉ូលិសស៊ើបអង្កេតប្រចាំស្រុក Muang​ បាននិយាយថា ឧប្បត្តិហេតុនេះបានកើតឡើងនៅម៉ោងប្រហែល ១ ​រំលងអធ្រាត្រ នៅចំណតរថយន្តរបស់ក្លឹប​​ដែលជាកន្លែងកំសាន្តមួយនៅក្នុងស្រុក​ Muang ​ខណៈពេលដែល​ក្លិបបានបិទទ្វារ។ ​ខណៈពេលយុវជនពីរក្រុមកំពុងដើរសំដៅទៅ​យានយន្តរបស់ពួកគេ ស្រាប់តែមាន​ការឌឺដងពាក្យសំដីគ្នាទៅវិញទៅមកបណ្តាលឱ្យមានការបាញ់​ប្រហារឡើង។ ​ប៉ូលិសជឿជាក់ថា ក្រុមទាំងពីរធ្លាប់ឈ្លោះប្រកែកគ្នានៅខាងក្នុងកន្លែងកម្សាន្តម្តងរួចហើយ ទើបចេញមកខាងក្រៅមានការឌឺដងដាក់គ្នា។ នៅពេលទៅដល់កន្លែងកើតហេតុ ប៉ូលិសទៅ​បានរកឃើញបុរសបីនាក់​រងរបួសដោយសារគ្រាប់កាំភ្លើងហើយកំពុងតែដេកដួលនៅលើដីក្បែររថយន្តម៉ាក​ Toyota ​ពណ៌ស ហើយក្រោយមកពួកគេត្រូវបានបញ្ជូនទៅមន្ទីរពេទ្យក្នុងតំបន់។

រូបតំណាង

អ្នករងរបួសម្នាក់ឈ្មោះ​ Athip Chaengsawang​ អាយុ ២៧ ឆ្នាំមកពីស្រុក Warin Chamrap ខេត្ត Ubon Ratchathani បានស្លាប់ពេលទៅដល់មន្ទីរពេទ្យ ដោយមានរបួស​គ្រាប់កាំភ្លើងចំទ្រូងនិងក្បាល។ ​ជនរងគ្រោះទី ២ ឈ្មោះ​ Preecha ​ស្ថិតក្នុងស្ថានភាពធ្ងន់ធ្ងរដោយមាន​របួសគ្រាប់កាំភ្លើងត្រង់ខ្នងនិងចង្កេះ។ ចំណែកម្នាក់ទៀតឈ្មោះ Withoon Joompakdi អាយុ ២៣ ឆ្នាំ​ត្រូវគ្រាប់កាំភ្លើងត្រង់ដៃស្តាំ។

ប៉ូលិស​រឹបអូសបានកាំភ្លើងខ្លី​ម៉ាក  a .38 ​មួយដើមដែលមានគ្រាប់កាំភ្លើងចំនួន ៦ គ្រាប់នៅពីក្រោមកៅអីរបស់អ្នកបើករថយន្ដ​ Toyota ​។

គ្រាប់កាំភ្លើង ៤ គ្រាប់ផ្សេងទៀតត្រូវបានរកឃើញនៅលើរថយន្តម៉ាក​ Isuzu  ពណ៌ខ្មៅ​។ ​ប៉ូលិសបានចាប់ខ្លួនជនល្មើសឈ្មោះ Puthisan Jampi អាយុ ២៦ ឆ្នាំជាប៉ូលិសល្បាតព្រំដែនមកពីកងពលល្បាតព្រំដែនលេខ ២២ ហើយប៉ូលិសនឹងចាត់វិធានការជនល្មើសរូបនេះ​ទៅតាមផ្លូវច្បាប់បន្តទៀត។

ប៉ូលិសកំពុងតែធ្វើការស៊ើបអង្កេតនិងស្វែងរក​ជនល្មើសដទៃទៀតដែលពាក់ព័ន្ធនឹងឧប្បត្តិហេតុនេះ​ដើម្បីសួរចម្លើយ៕

កែសម្រួលដោយ៖ ភារ៉ា

ប្រភព៖ bangkok post

from： https://tnaot.com/km/m/detail/article/9667570