ប៉ូលិសបានចាប់ខ្លួនបុរសអាយុ ៥០ ឆ្នាំម្នាក់ពីបទដឹកជញ្ជូនគ្រឿងញៀនខុសច្បាប់ដែលមានតម្លៃសរុបប្រហែល ១១២ លានបាត។

ប៉ូលិសបានឆែកឆេររថយន្ត​ដឹកទំនិញរបស់ជនល្មើសនៅឯប៉ុស្តិត្រួតពិនិត្យ​ខេត្ត Sakon Nakhon​ ​ហើយបានរកឃើញថ្នាំមេតាហ្វេតាមីន​ម្សៅ  ថ្នាំមេតាហ្វេតាមីនគ្រាប់ និងកញ្ឆា ​ចំនួន ៧៥ គីឡូក្រាម។

អ្នកបើកបរឡានដឹកទំនិញឈ្មោះ Khongsak Jitrawang មកពី​ខេត្ត Kalasin ត្រូវបានប៉ូលិស​ឃាត់ឡាននៅប៉ុស្តិត្រួតពិនិត្យ​​​​​។ ​​​​​​​​​​ជនល្មើសបានសារភាពថា កាលពីមុនគេគឺជាមន្រ្តីប៉ូលិស​ម្នាក់ តែក្រោយមកក៏ក្លាយជាអ្នកបើកឡានក្រុង​ធ្វើការឱ្យជនជាតិឡាវម្នាក់ដែលផ្តល់ប្រាក់ ២០ ម៉ឺនបាតដើម្បីដឹកគ្រឿងញៀនទៅកាន់ទីក្រុងបាងកក។ លើសពីនេះ ​គេក៏បានសារភាពថា​កាលពីខែមុន រូបគេបានដឹកជញ្ជូនកញ្ឆាចំនួន ៥០ គីឡូក្រាម​ពីខេត្ត Sakon Nakhon ​ទៅទីក្រុងបាងកកផងដែរ។ ​ជនល្មើសបាន​និយាយថា គេទទួលបានប្រាក់ចំនួន ៥ ម៉ឺនបាត​ក្នុងការដឹកជញ្ជូនម្តងៗ៕  

កែសម្រួលដោយ៖ ភារ៉ា

ប្រភព៖ the thaiger

from： https://tnaot.com/km/m/detail/article/9665886