ក្លិបបាល់ទាត់ Everton ឈានដល់ការចុះហត្ថលេខាផ្ទេរយកខ្សែបម្រើ Allan ពីក្លិប Napoli មកកាន់ក្របខ័ណ្ឌ Premier League ក្នុងតម្លៃខ្លួន ២១.៧ លានផោន លើកិច្ចសន្យារយៈពេល ៣ ឆ្នាំ។

Allan គឺជាកីឡាករដំបូងដែលក្លិប Everton សម្រេចចុះហត្ថលេខានារដូវក្តៅនេះ ហើយការផ្លាស់ប្តូរនេះផងដែរ បានធ្វើឱ្យខ្សែបម្រើសញ្ជាតិប្រេស៊ីលខាងលើមានឱកាសជួបលោក Carlo Ancelotti ម្តងទៀត ពោលគឺរូបគេធ្លាប់មានបទពិសោធន៍លេងក្រោមការដឹកនាំរបស់អតីតគ្រូបង្វឹក Napoli រូបនេះបានមួយរដូវកាល។

ក្រោយផ្លាស់មកចូលរួមជាមួយ Everton ខ្សែបម្រើវ័យ ២៩ ឆ្នាំខាងលើបានប្រាប់ពីចំណាប់អារម្មណ៍របស់គេថា៖ “ខ្ញុំពិតជារីករាយណាស់ដែលបានចុះកុងត្រាជាមួយ Everton។ ខ្ញុំសង្ឃឹមថាការផ្លាស់ប្ដូរនេះ នឹងធ្វើឱ្យខ្ញុំក្លាយជាផ្នែកមួយជួយក្រុមជាមួយនឹងមិត្តរួមក្រុមដទៃទៀតឱ្យបានល្អសម្រាប់ការប្រកួតនៅថ្ងៃខាងមុខ”៕

កែសម្រួលដោយ៖ ភារ៉ា

ប្រភព៖ bbc

from： https://tnaot.com/km/m/detail/article/9665854