យើងបានដឹងហើយថា Antony Martialខ្សែប្រយុទ្ធសញ្ជាតិបារាំងកំពុងឡើងជើងខ្លាំងក្រោយស៊ុតបញ្ចូលទីផ្ទួនៗ និងចុងក្រោយបានស៊ុតហេតទ្រីកលើកដំបូងអោយក្លឹបទៀតផង។ ការឡើងជើងនេះត្រូវបានគ្រូបង្វឹកMan Utd លោក Ole Solskjaer លើកឡើងថាអាចមកពីកីឡាករ Odion Ighalo ផងដែរ

លោកនិយាយថា៖ “វាជាការប្រឹងប្រែងរបស់ Martial តែផ្នែកមួយណានោះ ក៏ដោយសារតែ Odion Ighalo ដែរ។ Odion ជួយគេពេលហ្វឹកហាត់ ទាំងចលនា ទាំងទីតាំងឈរ និងធ្វើជាខ្លួនរបស់គេ។ យើងអាចនិយាយថា Martial កំពុងរៀនជាមួយខ្សែប្រយុទ្ធដែលសម្បូរបទពិសោធន៍ម្នាក់។”

គួររម្លឹកផងដែរថា Ighalo បានផ្លាស់មកក្លឹប Manchester United នាខែមករាឆ្នាំ២០២០ នេះ ដោយខ្ចីជើងពីក្លឹបចិនត្រឹមពេល ៦ខែប៉ុណ្ណោះ។ ទោះជាយ៉ាងណា ដោយសារ Covid 19 មិនបានលេង ទើបក្លឹបទាំងពីរពន្យារពេលចរចាគ្នា នូវការខ្ចីជើងមួយនេះរហូតដល់រដូវកាលក្រោយ។

ប្រភព៖ Sky Sports

from： https://tnaot.com/km/m/detail/article/9439742