ស្ត្រីវ័យក្មេងម្នាក់ត្រូវបានចាប់ខ្លួនកាលពីម្សិលមិញ បន្ទាប់ពីនាងបានសម្លាប់ស្ត្រី​វ័យចំណាស់ម្នាក់​ដោយសារកាត់សក់ឱ្យមិនស្អាត។ ជនល្មើសឈ្មោះ Araya Sra-On កំពុងប្រឈមមុខនឹងការចោទប្រកាន់ពីបទឃាតកម្មដោយចេតនា​ ​និងលួចគ្រឿងអលង្ការ​ដែលនៅលើខ្លួនជនរងគ្រោះ។

​ជនល្មើស Araya បានសារភាពថាខ្លួនពិតជាបានសម្លាប់​ជនរងគ្រោះឈ្មោះ Banyat Kanthong អាយុ ៧៤ ឆ្នាំ​នៅក្នុងហាង​មួយក្នុងខេត្ត Phitsanulok ​ភាគខាងជើងប្រទេសថៃ។ ​ជនល្មើសបានប្រាប់ប៉ូលិសថា ​ជនរងគ្រោះបានកាត់សក់ឱ្យនាង ក្រោយពេលកាត់រួចរាល់នាងសង្កេតឃើញថាម៉ូដសក់​នោះមិនស្អាតតាមការកុម្ម៉ង់ទេ។​ សាកសព​ជនរងគ្រោះត្រូវបានរកឃើញនៅក្នុងបន្ទប់សំរាករបស់ហាងដោយកូនប្រសារដែលមានអាយុ ៤៦ឆ្នាំឈ្មោះ Manat Kanthongchuchok ។ ​ក្រោយពិនិត្យសាកសព ប៉ូលិសបាននិយាយថា នៅ​ជនរងគ្រោះមានរបួសចាក់ដោយកាំបិតត្រង់កយ៉ាងជ្រៅប្រហែល ១៥ សង់ទីម៉ែត្រ ហើយ ​ខ្សែក ខ្សែដៃ និងចិញ្ចៀន​បានបាត់ពីខ្លួនជនរងគ្រោះ។

ក្រោយពិនិត្យមើលកាមេរ៉ាសុវត្ថិភាព គេឃើញ​ស្ត្រីវ័យក្មេងម្នាក់​បានដើរចូលទៅក្នុងហាងហើយក្រោយមកក៏មានការឈ្លោះប្រកែកជាមួយ​ជនរងគ្រោះ ។ ជនល្មើសបានចាកចេញពីហាង​ដោយជិះម៉ូតូពណ៌ក្រហមមួយគ្រឿង។ ​ជនល្មើសបានសារភាពថាខ្លួន​ពិតជាបានសម្លាប់ជនរងគ្រោះពិតមែន ​ប៉ុន្តែលោក​ Phakphum Prapsiphum  ស្នងការប៉ូលិស​ខេត្ត Phitsanulok ​បាននិយាយថាខាងមន្ទីរពេទ្យកំពុងធ្វើការស៊ើបអង្កេតនៅឡើយ។ ជនជាប់ចោទ​បាននិយាយថានាងបាន​លួចយកខ្សែក ខ្សែដៃ និងចិញ្ចៀនរបស់ជនរងគ្រោះទៅបោះចោលនៅតាមផ្លូវ ​អំឡុងពេលដែលនាងកំពុងបើក​ម៉ូតូចេញពីកន្លែងកើតហេតុ។ ​បច្ចុប្បន្នប៉ូលិសកំពុងតែស៊ើបអង្កេតឱ្យបានស៊ីជម្រៅទៅលើឃាតកម្មមួយនេះ ហើយជនល្មើសនឹងត្រូវមានទោសកាន់តែធ្ងន់ធ្ងរប្រសិនបើប៉ូលិសរកឃើញថា ជនល្មើសប្រព្រឹត្តបទល្មើសដោយចេតនា៕

កែសម្រួលដោយ៖ ភារ៉ា

ប្រភព៖ the thaiger

from： https://tnaot.com/km/m/detail/article/9662593