Sign In 
ចាប់តាំងពីកំពូលតារាចម្រៀង លោក ព្រាប សុវត្ថិ បោះជំហ៊ានឈានចូលក្នុងផលិតកម្ម Galaxy Navatra មក មហាជននិងអ្នកគាំទ្ររបស់លោកជាច្រើនកំពុងទន្ទឹងនិងរង់ចាំអ៊ុតមើលថា បទចម្រៀងដំបូងរបស់តារាចម្រៀងប្រុសរូបនេះ ជាប្រភេទបទមនោសញ្ជេតនា រឺបទកន្រ្ឬឹមរាំលេងកម្សាន្តនារដូវបុណ្យភ្ជុំបិណ្ឌខាងមុខនេះ។
បើតាមការបង្ហើបរបស់លោក យឹម តាស្រង់ នាយកគ្រប់គ្រងផលិតកម្ម បានឲ្យដឹងថា បទចម្រៀងដំបូងរបស់កំពូលតារាចម្រៀងប្រុសរូបនេះនឹងចេញផ្លូវការនៅថ្ងៃអាទិត្យទី ៦ ខែកញ្ញា ស្អែកនេះតែម្ដង នៅវេលាម៉ោង ៧ ព្រឹកនៅលើឆាណែលយូធូបផ្លូវការរបស់ផលិតកម្ម Galaxy Navatra។
ចំពោះបទចម្រៀងដំបូងរបស់តារាចម្រៀង ព្រាប សុវត្ថិ នៅក្នុងផលិតកម្ម Galaxy នេះ មានចំណងជើងថា «ខែភ្ជុំជ្រូកយំពេញទ្រុង» ជាចង្វាក់កន្ទ្រឹម សម្រាប់រាំលេងកម្សាន្តនាឱកាសជួបជុំ បុណ្យភ្ជុំបិណ្ឌខាងមុខនេះផងដែរ៕
