Sign In 
ការឆ្លងរាលដាលនៃវីរុស COVID-19 ៖ យោងតាមអង្គការ AMNESTY INTERNATIONAL ថា បុគ្គលិកព្យាបាលយ៉ាងតិច៧.០០០នាក់បានបាត់បង់ជិវិតលើពិភពលោកដោយសារវីរុស COVID-19 ពេលបំពេញការងារជួយអ្នកជំងឹរបស់ពួកគេ ។
របាយការណ៍លើកមុនចេញផ្សាយកាលពីខែកក្កដា រៀបរាប់ពីបុគ្គលិកពេទ្យប្រមាណ៣.០០០នាក់ស្លាប់ដោយសារវីរុសនោះ ។ លើពិភពលោកតាមតុល្យការរបស់ AFPដែលដកស្រង់ប្រភពផ្លុវការនានាថា មកដល់ថ្ងៃទី៣ កញ្ញា ចំនួនអ្នកឆ្លងវីរុសបានឡើងដល់ជាង២៦,១លាននាក់ និងចំនួនអ្នកស្លាប់កើនដល់ជាង៨៦៥.០០០នាក់ ។
ក្នុងចំណោមអ្នកស្លាប់ទាំងនេះ បើតាម AMNESTY INTERNATIONAL ថា មានបុគ្គលិកសុខាភិបាលយ៉ាងតិច៧.០០០នាក់ ។ ម៉ិកស៊ិកជាប្រទេសរងការប៉ះពាល់ខ្លាំងជាងគេបំផុត ។ ក្នុងសេចក្ដីប្រកាសមួយលោក STEVECOCKBURN អ្នកទទួលខុសត្រូវនៃកម្មវិធីយុត្តិធម៌សង្គមនិងសេដ្ឋកិច្ចរបស់ AMNESTY INTERNATIONAL ថ្លែងថា ប្រការដែលបុគ្គលិកពេទ្យដល់ជាង៧.០០០នាក់ស្លាប់ដោយសារតែជួយសង្គ្រោះមនុស្សឯទៀតៗគឹជាវិបត្តិដ៏ធំមួយ ។ ក្នុងចំណោមបុគ្គលិកសុខាភិបាលដែលរងគ្រោះទាំងនោះយ៉ាងតិច១.៣២០នាក់នៅម៉ិកស៊ិក ដែលជាចំនួនដ៏ខ្ពស់បំផុតសម្រាប់ប្រទេសតែមួយគត់ ។ របាយការណ៍លើកមុនរបស់អង្គការនោះចេញផ្សាយកាលពីថ្ងៃទី១៣ កក្កដា លើកឡើង ពីបុគ្គលិកព្យាបាល៣.០០០នាក់ស្លាប់លើពិភពលោក ។ ការកើនឡើងបែបនោះបណ្ដាលមកពីការកើនឡើងនៃចំនួនអ្នកឆ្លងក្នុងប្រទេសជាច្រើន ។ ប្រេស៊ីលជាប្រទេសទី២រងការប៉ះពាល់ខ្លាំងជាងគេដោយសារវីរុស កាលពីថ្ងៃទី៣ កញ្ញា ចំនួនអ្នកឆ្លងបានឡើងដល់លើសពី៤លាននាក់ ។ ចំណែកគណៈកម្មាធិការអ្នកជំនាញការឯករាជ្យ បង្កើតឡើងដោយអង្គការសុខភាពពិភព WHO ពេលនេះ បានជម្រុញការស៊ើបអង្កេតលើការគ្រប់គ្រងពិភពលោកចំពោះការឆ្លងវីរុសនោះ ។មកដល់ថ្ងៃទី៣កញ្ញាប្រេស៊ីលចំនួនអ្នកឆ្លងវីរុសបានឡើងដល់៤.០៤១.៦៣៨នាក់ ។ ប៉ុន្តែចំនួនអ្នកស្លាប់ប្រចាំថ្ងៃក្នុងប្រទេសនេះចាប់ផ្ដើមចុះថយបន្តិចខណៈមនុស្សជាង១២៤.០០០នាក់បានបាត់បង់ជីវិតរួចហើយ ។ការឆ្លងរាលដាលនៃវីរុសបណ្ដាលឲ្យមនុស្សស្លាប់យ៉ាងតិច៨៦៤.៥១០នាក់ ហើយចាប់តាំងពីដំណាច់ខែធ្នូមក ។ អាមេរិកនៅតែជាប្រទេសរងការប៉ះពាល់ខ្លាំងជាងគេ ទាំងចំនួនអ្នកឆ្លងទាំងចំនួនអ្នកស្លាប់ជាមួយអ្នកស្លាប់កើនដល់ខ្ទង់១៨៧.០០០នាក់ និងអ្នកឆ្លងឡើងដល់ជាង៦,១លាននាក់ ។ទ្វីបអាស៊ីគិតដល់ថ្ងៃទី៣ កញ្ញា ចំនួនអ្នកស្លាប់ដោយសារវីរុស បានឡើងដល់លើសពី១០០.០០០នាក់ ។ ប្រទេសឥណ្ឌាជាប្រទេសទី៣រងការប៉ះពាល់ខ្លាំងជាងគេកត់សម្គាល់ឃើញអ្នកឆ្លងថ្មី៨៣.៣៤១នាក់ ២៤ម៉ោងចុងក្រោយនេះ ។ ចំនួនអ្នកឆ្លងក្នុងប្រទេសនោះពេលនេះបានកើនដល់ជាង៣,៩៤លាននាក់ និងចំនួនអ្នកស្លាប់ឡើងដល់៦៨.៤៧២នាក់ ក្នុងនោះ១.០៩៦នាក់កំណត់ឃើញ២៤ម៉ោងចុងក្រោយនេះ ។ បន្ទាប់ពីឥណ្ឌាគឹឥណ្ឌូណេស៊ីដែលមានអ្នកស្លាប់៧.៦១៦នាក់ និងអ្នកឆ្លង១៨០.៦៤៦នាក់ និងប៉ាគីស្ថានដែលមានអ្នកស្លាប់៦.៣២៨នាក់ និងអ្នកឆ្លង២៨៧.០១៤នាក់ ៕ ផ្ដល់សិទ្ធដោយ៖ កោះសន្តិភាព
