យោងតាមប្រភពប៉ូលិសបានឱ្យដឹងថា មាន​ខ្មាន់កាំភ្លើងមួយក្រុមបានឆ្មក់ចូល​ផ្សារមួយ​នៅ​ទីក្រុង Karachi កាលពីថ្ងៃចន្ទដោយមាន​​អ្នកស្លាប់ចំនួន ៤នាក់​។

លោក Ghulam Nabi Memon ប្រធានមន្ត្រីប៉ូលិសក្រុង​ Karachi បាននិយាយថា ក្រុម​ខ្មាន់កាំភ្លើងបាន​ឈប់រថយន្ត​នៅខាងក្រៅអគារពាណិជ្ជកម្មមួយហើយបានគប់គ្រាប់បែកដៃនៅអគារមុនពេលបើកការបាញ់ប្រហារ។ ក្នុងហេតុការណ៍នេះបានធ្វើឱ្យមានមនុស្ស ៤នាក់បានស្លាប់។ ទីក្រុង​ Karachi ធ្លាប់ជាកន្លែងមួយ​សម្បូរឧក្រិដ្ឋកម្ម អំពើហឹង្សានយោបាយ និង​ជម្លោះជាតិសាសន៍ដោយក្រុមប្រដាប់អាវុធ។

ភាគច្រើនបញ្ហាទាំងនេះគឺជាប់ទាក់ទងទៅនឹង​អ្នកនយោបាយដែលតែងតែបាញ់ប្រហារទៅលើគូប្រជែងនានាព្រមទាំង​បើកការវាយប្រហារ​នៅតាមតំបន់ដែលជាលំនៅដ្ឋានរបស់ប្រជាជន។ ​ប៉ុន្តែស្ថានភាពនៅពេល​ប៉ុន្មានឆ្នាំក្រោយមកនេះ គេឃើញថាហាក់ដូចជាមានស្ថេរភាពឡើងវិញ​ បន្ទាប់ពីមានប្រតិបត្តិការយ៉ាង​តឹងរ៉ឹងដោយភ្នាក់ងារសន្តិសុខប្រឆាំងនឹង​ការវាយប្រហារនៃនយោបាយប្រដាប់អាវុធ។

កែសម្រួលដោយ៖ ភារ៉ា

ប្រភព៖ Bangkok Post

from： https://tnaot.com/km/m/detail/article/9436988