Sign In 
រាជធានីភ្នំពេញ ៖ អ្នកដំណើរជាច្រើននាក់បានរបួស ខណៈពេលដែលជិះម៉ូតូឆ្លងកាត់ស្ពានបេឡេ ហើយរអិលប្រេងម៉ាស៊ីននៅលើស្ពានបេឡេនោះ បណ្តាលឱ្យដួលជាបន្តបន្ទាប់។
ហេតុការណ៍គ្រោះថ្នាក់ខាងលើនេះបានកើតឡើងកាលពីវេលាម៉ោងប្រមាណ១០និង២០នាទីព្រឹកថ្ងៃទី៤ ខែកញ្ញា ឆ្នាំ២០២០ នៅលើស្ពានបេឡេ ផ្នែកខាងកើត ស្ថិតក្នុងភូមិដើមគរ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។
តាមអ្នកឃើញហេតុការណ៍បានអោយដឹងថា ម៉ូតូប្រមាណជិត១០គ្រឿង បានរអិលប្រេងប្រេម៉ាស៊ីននៅលើស្ពានបេឡេនោះ បណ្តាលឱ្យដួលជាបន្តបន្ទាប់ និងរងរបួសរលាត់ដៃជើង ផងដែរ ។
តាមប្រភពព័ត៌មានអោយដឹងថា នៅព្រឹកនោះ គេឃើញប្រេងម៉ាស៊ីនកំពប់នៅលើស្ពានបេឡែផ្នែកខាងកើត ខណៈនោះគេឃើញមានអ្នកដំណើរដែលបើកឡើងលើស្ពានពីកើតទៅលិច ក៍បានរអិលដួលជាបន្តបន្ទាប់ ។ បន្ទាប់ពីឃើញបែបនេះ អ្នកដំណើរខ្លះ រួមជាមួយបុគ្គលិកក្រុមហ៊ុន OCIC ក៍បានឈរចាំស្រែកប្រាប់អ្នកដំណើរអោយបើកវាង និងបន្ថយល្បឿន ចៀសវាងគ្រោះថ្នាក់។
នៅព្រឹកនោះដែរ គេឃើញរថយន្តពន្លត់អគ្គីភ័យរបស់ទីក្រុងរណបជ្រោយចង្វារមួយគ្រឿង បានចុះទៅបាញ់ទឹកលាងសម្អាតផងដែរ ដើម្បីបញ្ចៀសគ្រោះថ្នាក់ដល់អ្នកដំណើរ ៕ផ្តល់សិទ្ធដោយ៖កោះសន្តិភាព
