Sign In 
កម្សាន្ត
ខ្សែភាពយន្ត «The Batman» ត្រូវផ្អាកថតជាបណ្ដោះអាសន្ន ក្រោយតួសម្ដែងតេស្តវិជ្ជមានវីរុស Covid-19
ផលិតកម្ម Warner Bros បានធ្វើការប្រកាសដោយមិនបញ្ជេញឈ្មោះថាសមាជិកម្នាក់កំពុងធ្វើតេស្តរកឃើញវិជ្ជមានលើវីរុស Covid-19។
យោងតាមសារព័ត៌មាន Vanity Fair និង Hollywood បានបញ្ជាក់ថាតារាសម្ដែង Robert Pattinson បានតេស្តវិជ្ជមានលើវីរុសCovid-19 ហើយខ្សែភាពយន្ត «The Batman» ដែលលោកកំពុងត្រៀមថតត្រូវបានផ្អាកជាបណ្ដោះអាសន្ន។ អ្នកនាំពាក្យរបស់ផលិតកម្ម Warner Bros ក៏បាននិយាយផងដែរថា បច្ចុប្បន្ននេះសមាជិកម្នាក់នេះកំពុងនៅដាច់ដោយឡែកស្របតាមការណែនាំ។ ប្រភពមិនបញ្ចេញឈ្មោះបានប្រាប់សារព័ត៌មាន Vanity Fair និង Hollywood ថាអ្នកដែលធ្វើតេស្តវិជ្ជមានគឺ Robert Pattinson ដែលជាតារាភាពយន្ដ។ គួរបញ្ជាក់ថា ខ្សែភាពយន្តខ្នាតធំ «The Batman» ត្រូវបានផ្អាកការថតកាលពីមុនម្ដងមកហើយក្នុងអំឡុងខែមីនា ខណៈពេលប្រកាសប្រទេសបិទការចេញចូល ដោយការផ្ទុះឡើងនូវវីរុស Covid-19៕
