កីឡាករ Timo Werner ខ្សែប្រយុទ្ធរបស់ក្លិប RB Leipzig រកបាន ២គ្រាប់ ក្នុងជ័យជម្នះទៅលើក្រុម Augsburg កាលពីថ្ងៃសៅរ៍ ដើម្បីជាកាដូលាក្លិប ក៏ដូចជាអ្នកគាំទ្រផងដែរ ក្នុងកាប្រកួតចុងក្រោយរបស់ខ្លួននៅក្របខ័ណ្ឌ Bundesliga រដូវកាលនេះ។

គួរបញ្ជាក់ផងដែរថា ខ្សែប្រយុទ្ធ Werner បានបញ្ចប់ការផ្ទេរទៅកាន់ក្លិប Chelsea ក្នុងតម្លៃ ៤៧.៥លានផោន ឬប្រមាណ ៥៨លានដុល្លារ។ Werner រកបាន ២គ្រាប់ ក្នុងជ័យជម្នះ ២-១ ទៅលើក្រុម Augsburg ក្នុងការប្រកួតបញ្ចប់រដូវកាលរបស់ក្លិប RB Leipzig ហើយជាចំណែកមួយបានជួយឱ្យក្លិបឈរលេខរៀងទី៣ នៅក្នុងក្របខ័ណ្ឌ Bundesliga។ សម្រាប់រដូវកាលនេះ រូបគេរកបាន ២៨គ្រាប់ ក្នុងការបង្ហាញខ្លួនសរុបចំនួន ៣៤ប្រកួត។

យ៉ាងណាមិញ កីឡាករអន្តរជាតិអាល្លឺម៉ង់វ័យ ២៤ឆ្នាំ នៅមានភារកិច្ចជួយក្លិបបន្តទៀតនៅក្នុងយុទ្ធនាការនេះ ពោលគឺនៅក្របខ័ណ្ឌ Champion League វគ្គ ៨ក្រុមចុងក្រោយ បន្ទាប់មករូបគេនឹងផ្លាស់ទៅ  Chelsea ដើម្បីលេងនៅរដូវកាលក្រោយតែម្តង៕

កែសម្រួលដោយ៖ ភារ៉ា

ប្រភព៖ livescore

from： https://tnaot.com/km/m/detail/article/9432876