អ្នកបើកបរស្រីម្នាក់អាយុ ២៥ឆ្នាំ​មានគ្រោះថ្នាក់ចរាចរណ៍ បន្ទាប់ពីរថយន្តរបស់នាង​ផ្ទុះកង់ហើយក្រឡាប់ផ្ងារ​កង់ឡើងលើ នៅ​ស្រុកMueang Chonburi កាលពីម្សិលមិញ។ ​ឧប្បត្តិហេតុនេះកើតឡើងនៅម៉ោងប្រហែល ៤រសៀល នៅលើផ្លូវលេខ ៧ ក្នុងសង្កាត់ ​Nong Kangkok ​។

ក្រុមអ្នកជួយសង្គ្រោះ​បានមកដល់កន្លែងកើតហេតុដើម្បី​ពិនិត្យជនរងគ្រោះ និងរថយន្ត​នៅលើផ្លូវ ហើយគេសង្កេតឃើញថាគ្រោះថ្នាក់នេះបណ្តាលមកពីសំបកកង់ខាងស្តាំនៃរថយន្តបានផ្ទុះ។

​ជនរងគ្រោះមានឈ្មោះថា ​Pimpisa Kimsong អាយុ ២៥ឆ្នាំបានរងរបួសជាច្រើន​កន្លែង។ នាងត្រូវបានគេនាំទៅមន្ទីរពេទ្យក្នុងតំបន់​ដើម្បីសម្រាកព្យាបាល។

ជនរងគ្រោះបាននិយាយថានាងបានធ្វើដំណើរពីតំបន់ Bangsaen ទៅ Panthong ហើយក្រោយមកស្រាប់តែកង់រថយន្តខាងស្តាំរបស់នាងផ្ទុះ។ ដោយមិនអាចបញ្ជានិងគ្រប់គ្រងរថយន្តបាន ទើបបណ្តាលឱ្យវាក្រឡាប់ និងមានគ្រោះថ្នាក់កើតឡើង។ បច្ចុប្បន្ន​ ជនរងគ្រោះកំពុងសម្រាកព្យាបាលនៅមន្ទីរពេទ្យ។

កែសម្រួលដោយ៖ ភារ៉ា

ប្រភព៖ The pattaya news

from： https://tnaot.com/km/m/detail/article/9432692