ព័ត៌មានចចាមរ៉ាមជាច្រើនទាក់ទងនឹងការផ្លាស់ប្តូរគ្នារវាងក្លឹបBarcelona និង Juventus ក្នុងការផ្លាស់ប្តូរគ្នា Arthur និង Pjanic ក្នុងប៉ុន្មានសប្តាហ៏ចុងក្រោយនេះ។ ទោះជាយ៉ាងណា ព័ត៌មានហាក់មានភាពពិតខ្លាំង ក្រោយគេថតបាន Arthur ស្ថិតក្នុងព្រលានយន្តហោះនៃទីក្រុងTurin របស់ក្លឹប Juventus។

ការផ្លាស់ប្តូរនេះ ត្រូវបានរាយការណ៏ថាArthur នឹងទៅលេងអោយក្លឹប Juventus ស្របពេលដែលកីឡាករ JuventusគឺMiralem Pjanic នឹងទៅលេងអោយក្លឹបកាតាឡាន់វិញ។ ទាក់ទងនឹងតម្លៃវិញ ត្រូវបានគេរាយការណ៏ថា Juventus ត្រូវចំណាយ ៧០ លានផោនដើម្បីបាន Arthur ហើយBarcelonaត្រូវចំនាយ ៦០លានផោនបើចង់បាន Pjanic ពោលគឺ Barcelona នឹងចំណេញ១០លានក្នុងការផ្លាស់ប្តូរកីឡាករគ្នានេះ។

គួរបញ្ជាក់ផងដែរថា  Pjanic បានលេងអោយ Juventus តាំងពីឆ្នាំ ២០១៦ បន្ទាប់ពីផ្ទេរចេញពី AS Roma ឯ Arthurវិញបានផ្ទេរមកកាន់ក្លឹប Barcelona ក្នុងឆ្នាំ ២០១៨បន្ទាប់ពីលេងអោយ Gremio ចំនួន៣ឆ្នាំរួច។

ប្រភព៖ Goal.com

from： https://tnaot.com/km/m/detail/article/9432269