ខ្សែប្រយុទ្ធសញ្ជាតិអាមេរិក Christian Pulisic បានទទួលបានការកោតសរសើរខ្លាំងពីគ្រូបង្វឹករបស់ខ្លួនខ្លាំង ក្រោយស៊ុតបញ្ចូលទីបាន២ប្រកួតអោយ Chelsea។

គ្រូធំ Chelsea គឺ Frank Lampard បានជឿជាក់ថា Pulisic មានសមត្ថភាពគ្រប់គ្រាន់ក្នុងការរកគ្រាប់បាល់ដូចSalah, Sadio Mane និង Sterlingដូច្នេះដែរ។ លោកនិយាយថា៖ “ខ្ញុំជឿថាគេជាកីឡាករដ៏ល្អម្នាក់។ គាត់ឡើងជើងខ្លាំងនៅក្នុងវ័យដ៏ក្មេងក្នុងប្រទេសអាល្លឺម៉ង់ ហើយពេលគាត់មកក្លឹបយើង មានការរំពឹងខ្ពស់ពីគាត់។ខ្ញុំជឿថាគាត់នឹងបន្តរីកចម្រើន និងអាចស៊ុតបញ្ចូលទីបានច្រើនជាងនេះទៀត។”

គួរបញ្ជាក់ផងដែរថា Pulisic គឺជាកីឡាករស៊ុតបញ្ចូលបានច្រើនជាងគេរបស់ក្លឹប Chelseaក្នុងរដូវកាលនេះដែលស៊ុតបាន៧គ្រាប់ស្មើគ្នាជាមួយ Willian ហើយគាត់ក៏នឹងក្លាយជាតួអង្គសំខាន់ក្នុងការលេងវគ្គ៨ក្រុមចុងក្រោយអោយChelsea នៅ FA Cup ផងដែរពេលប៉ះ Leicester City។

ប្រភព៖ Goal.com

from： https://tnaot.com/km/m/detail/article/9432262