កាលពីយប់មិញនេះ ការប្រកួតរវាងក្លឹប Barcelonaនិង Celta Vigo បានប្រព្រឹត្តទៅនៅកីឡាដ្ឋាន Abanca Balaidos របស់ Celta Vigo ដែលលទ្ធផលចុងក្រោយគឺបានត្រឹមស្មើគ្នា ២ ទល់នឹង ២ ប៉ុណ្ណោះ។

២គ្រាប់របស់ Barcelonaរកបានដោយ Luis Suarez ទាំងពីរគ្រាប់ ឯគ្រាប់បាល់២គ្រាប់របស់ Celta Vigo គឺរកបានដោយ Fedor Smolov និង Iago Aspas ជិតចុងម៉ោងក្នុងនាទីទី ៨៨។ លទ្ធផលនេះបានធ្វើអោយ Barcelonaបាត់បង់ពិន្ទុជាបន្តទៀតដោយទទួលបានត្រឹម ១ ពិន្ទុប៉ុណ្ណោះ ពោលគឺមានត្រឹម ៦៩ពិន្ទុប៉ុណ្ណោះ ដោយឈ្នះ Real Madrid ត្រឹម១ពិន្ទុ ស្របពេលដែល Real Madrid នៅសល់មួយប្រកួតក្នុងដៃ។

គួរបញ្ជាក់ផងដែរថា Real Madridក៏នឹងទៅជួបក្លឹប Espanyol ផងដែរនៅវេលាម៉ោង៣ទាបភ្លឺស្អែកនេះដើម្បីកាត់សេចក្តីថា អ្នកណានឹងនៅកំពូលតារាង La Liga ស្របពេលដែលការប្រកួតលីគនៅសល់ប្រមាណ៦ប្រកួតទៀតប៉ុណ្ណោះ។

ប្រភព៖ Livescore

from： https://tnaot.com/km/m/detail/article/9432251