កាលពីយប់មិញ ការប្រកួតពាន FA Cup វគ្គ៨ក្រុមចុងក្រោយចាប់ផ្តើមបន្តឡើងវិញ បន្ទាប់ពីផ្អាកតាំងពីខែមីនា។ ការបន្តនេះគឺបានចាប់ផ្តើមដោយការប្រកួតគូដំបូងគេរវាង Manchester United និងក្លឹប Norwich City។

ក្លឹបទាំងពីរបានបញ្ចប់៩០នាទីត្រឹមលទ្ធផលស្មើគ្នា ១ទល់នឹង១ប៉ុណ្ណោះដោយគ្រាប់បាល់ធ្វើឡើងដោយ Odion Ighalo នៅនាទីទី៥១ និងTodd Cantwell នៅនាទីទី ៧៥។ តែឈានដល់ការថែមម៉ោង១៥នាទី២ដង Harry Maguire បានធ្វើបានសម្រេចគ្រាប់ចុងក្រោយនៅនាទី ១១៨ ធ្វើអោយ Manchester United ឡើងវគ្គSemi Final នៃពាន FA Cup។

៣គូផ្សេងទៀតក្នុងវគ្គ៨ក្រុមនេះនឹងធ្វើឡើងក្នុងយប់នេះ រវាង  Arsenal និង Sheffield United, Chelsea និង Leicester, មួយគូចុងក្រោយគឺNewcastle United ប៉ះនឹងក្រុម Manchester City។

ប្រភព៖ Livescore

from： https://tnaot.com/km/m/detail/article/9432245