Sign In 
ភ្នំពេញ ៖ ជនសង្ស័យម្នាក់ក្នុងចំណោមបក្សពួក ២នាក់បានធ្វើសកម្មភាពកាត់ ក សោម៉ូតូបានសម្រេចតែត្រូវបានមេការសំណង់និងប្រជាពលរដ្ឋឃើញដេញចាប់បានម្នាក់ប្រគល់ឲ្យសមត្ថកិច្ច កាលពីវេលាម៉ោង៩ និង៣០នាទីព្រឹក ថ្ងៃទី៣ ខែកញ្ញា ឆ្នាំ២០២០ ស្ថិតនៅសំណង់បុរីពិភពថ្មី២ ក្នុងភូមិព្រៃកីខ សង្កាត់ពងទឹក ខណ្ឌដង្កោ រាជធានីភ្នំពេញ
សមត្ថកិច្ចបានឲ្យដឹងថា ជនសង្ស័យម្នាក់ដែលឃាត់ខ្លួនមានឈ្មោះ រស់ សារិន ភេទប្រុស អាយុ៣៦ឆ្នាំ មុខរបបនិងស្នាក់នៅមិនពិតប្រាកដ ។ ចំណែកម្នាក់ទៀតដែលរត់គេចខ្លួនមានឈ្មោះ ចិត្រ ភេទប្រុស អាយុប្រហែល២៧ឆ្នាំ មិខរបបនិងស្នាក់នៅមិនពិតប្រាកដ
សមត្ថកិច្ចបានឲ្យដឹងទៀតថា មុននឹងឃាត់ខ្លួនជនសង្ស័យខាងលើបានដោយ ពួកគេមានគ្នា២នាក់បានជិះម៉ូតូមួយគ្រឿងម៉ាក ហុងដាឌ្រីម ស៊េរី២០១១ មិនចាំស្លាក លេខ មកធ្វើមក្មភាពកាច់កម៉ូតូជាងសំណង់នៅក្នុងបុរីពិភពថ្មី២ ខណៈកាច់កបានសម្រេច រួចបំរុងបណ្ដើរជិះចេញ ក៏ត្រូវបានមេការសំណង់ឃើញក៏សួរនាំទើបដឹកថាជាចោរ ក៏ឃាត់ខ្លួនបានម្នាក់ប្រគល់ឲ្យសមត្ថកិច្ចប៉ុស្ដិ៍នគរបាលរដ្ឋបាល ពងទឹក ចំណែកបក្សពួកម្នាក់ទៀតដឹងខ្លួនទាន់ក៏បានជិះម៉ូតូគេចខ្លួនបាត់ ។
បច្ចុប្បន្ន ជនសង្ស័យឈ្មោះ រស់ សារិន ត្រូវបានសមត្ថកិច្ចប៉ុស្ដិ៍នគរបាលរដ្ឋបាល ពងទឹក កសាងសំណុំរឿងបញ្ចូនទៅអធិការដ្ឋាននគរបាលខណ្ឌដង្កោ ដេីម្បីចាត់ការបន្តតាមនីតិវិធី ៕ ផេង ភាព
