បើយោងតាមការផ្សាយផ្ទាល់លើទំព័រហ្វេសប៊ុក Realme កាលពី ២ ម៉ោងមុនបាននិយាយថា ក្រុមហ៊ុននឹងបន្ថែមស្មាតហ្វូនប្រភេទថ្មីពីរទៀតជាស៊េរីប្រចាំត្រកូលក្រុមហ៊ុន ហើយបានសន្យាថាពីរម៉ាកនេះនឹងមានសមត្ថភាពបញ្ចូលថ្មលឿនបំផុតគឺ Realme 7 និង Realme 7 Pro។

ការសាកថ្មលឿននោះនឹងផ្ដល់ថាមពលរហូតដល់ ៦៥ វ៉ាត់ ហើយបើយោងតាមអគ្គនាយកប្រតិបត្តិការគ្រប់គ្រងក្រុមហ៊ុន ការសាកថ្មប្រើរយៈពេលត្រឹមតែ ៣ នាទីប៉ុណ្ណោះវានឹងពេញគ្រប់គ្រាន់ឲ្យប្រើប្រាស់ ដែលអ្នកអាចមើលវីដេអូខ្សែភាពយន្តរយៈពេល ២ ម៉ោងកន្លះពេញ ឬស្ដាប់បទចម្រៀងជាង ១៣ ម៉ោងក៏បាន។

គួរបញ្ជាក់ផងដែរថា ស្មាតហ្វូនទាំងពីរនេះនឹងមានបំពាក់កាមេរ៉ាទំហំ ៦៤MP ជំនាន់ទី២ ដែលនឹងប្រើឧបករណ៍សិនសឺរបស់ក្រុមហ៊ុន Sony។ លើសពីនេះ Realme 7 និង Realme 7 និង Realme 7 Pro នឹងមានការពង្រឹងសមត្ថភាពមុខងារចាប់រូបភាពពេលយប់ Pro Nightscape ឲ្យកាន់តែប្រសើរជាងស្មាតហ្វូនមុនៗ។ ប្រែសម្រួលដោយ៖ រីតា

from： https://tnaot.com/km/m/detail/article/9657097