Sign In 
អេស្ប៉ាញ ៖ លទ្ធផលនៃកិច្ចប្រជុំរវាងឪពុករបស់កីឡាករ Lionel Messi ជាមួយក្លិប Barcelona បានសម្រេចចេញជាលទ្ធផលហើយកាលពីម្សិលមិញ ។
យោងតាមប្រភពពីគេហទំព័រ TyC Sports របស់ប្រទេសអាហ្សង់ទីន បានរាយការណ៍ឲ្យដឹងថា ក្នុងជំនួប ៩០នាទីរវាងឪពុក Lionel Messi គឺលោក Jorge Messi ជាមួយលោក Josep Bartomeu ប្រធានក្លិប Barca កាលពីយប់ថ្ងៃពុធ ទទួលបានលទ្ធផលរហូតដល់ ៩០ភាគរយ ដែលបានបញ្ជាក់ថា ខ្សែប្រយុទ្ធអាហ្សង់ទីនវ័យ ៣៣ឆ្នាំរូបនេះ នឹងស្នាក់នៅជាមួយក្លិបបន្តទៀត។ 
ហើយក្នុងនោះ ឪពុករបស់គេផ្ទាល់ ក៏បាននិយាយថា លោកនឹងបញ្ចុះបញ្ចូលកូនប្រុស អោយយល់កាន់តែច្បាស់អំពីគោលបំណងរបស់ថ្នាក់ដឹកនាំនៃក្លិប។
សូមបញ្ជាក់ថា កុងត្រារបស់ Messi ជាមួយ Barca មានរហូតដល់ខែ មិថុនា ឆ្នាំ ២០២១ ហើយគោលជំហររបស់ក្លិបយក្សនៅកាតាឡាន់មួយនេះ គឺចង់ឲ្យប្រធានក្រុមរបស់ខ្លួន បន្តកិច្ចសន្យាថ្មីបន្តទៀត៕ ផ្ដល់សិទ្ធដោយ៖ កោះសន្តិភាព
