កីឡាករអ្នកចាំទីវ័យក្មេងរបស់ក្លឹប Manchester United កីឡាករ Dean Henderson បានបញ្ចេញសារព្រមានទៅកាន់រៀមច្បង David de Gea បន្ទាប់ពីខ្លួនទើបត្រឡប់មកក្លឹបវិញ ក្រោយទទួលបានជោគជ័យ ២រដូវកាលខ្ចីជើងនៅ  Sheffield United។

កីឡាករវ័យ២៣ឆ្នាំបានលើកឡើងថា៖ “David de Gea គឺជាអ្នកចាំទីដ៏អស្ចារ្យនៅពេលប៉ុន្មានឆ្នាំចុងក្រោយនេះ។ នោះក៏ជាអ្វីដែលខ្ញុំចង់ធ្វើដែរនៅក្លឹប Manchester United ដូច្នេះខ្ញុំនឹងខិតខំគ្រប់បែបយ៉ាងដើម្បីបានជាប់ជម្រើស១១នាក់។ វាពិតជាមិនឆ្លាតនោះឡើយ បើសិនជាខ្ញុំមកក្លឹបនេះដើម្បីអង្គុយកៅអីបម្រុង ក្រោយអ្វីដែលខ្ញុំបានធ្វើកាលពីរដូវកាលមុន។”

គួរបញ្ជាក់ផងដែរថា Dean Henderson បានខ្ចីជើងទៅ៥ ឆ្នាំជាប់គ្នាមុនវិលត្រឡប់មកក្លឹប Manchester United វិញនេះ ស្របពេលដែល David de Gea ក៏បង្ហាញទម្រង់លេងមិនសូវបានល្អនោះឡើយកាលពីរដូវកាលមុន។

ប្រភព៖ Goal

from： https://tnaot.com/km/m/detail/article/9656403