Sign In 
សហរដ្ឋអាមេរិក ៖ សារជាច្រើនដែលនិយាយថា៩៤%នៃចំនួនអ្នកបាត់បង់ជីវិត កត់សម្គាល់ឃើញនៅអាមេរិក មិនជាប់ទាក់ទិនដោយផ្ទាល់ ជាមួយការឆ្លងរាលដាលនៃវីរុសCOVID-19 ត្រូវបានលុបចេញដោយTWITTER។
រឿងនោះបានខ្ចរខ្ចាយខ្លាំងនៅសហរដ្ឋអាមេរិក ខណៈចំនួនអ្នកឆ្លងវីរុសក្នុងប្រទេសមហាអំណាចនោះកើនដល់លើសពី៦លាននាក់ និងចំនួនអ្នកបានបាត់បង់ជីវិត កើនដល់លើសពី១៨៣.០០០នាក់។ ហើយកាលពីចុងសប្ដាហ៍កន្លងទៅ ប្រធានាធិបតីអាមេរិកលោកដូណាល់ត្រាំ បានចេញផ្សាយតាម TWITTER នូវសារ២ដែលអះអាង ទាំងទទឹងទិសថា មជ្ឈមណ្ឌលត្រួតពិនិត្យ និងបង្ការជំងឺអាមេរិក CDC បានសើរើបញ្ចុះចំនួនអ្នកបាត់បង់ជីវិតទាក់ទិននឹងវីរុស មកនៅត្រឹមតែ៩.២១០នាក់ក្នុងប្រទេស ពោលគឺមានការបញ្ចុះចំនួនដល់ទៅ៩៤% បើប្រៀបធៀបទៅនឹងតួលេខផ្លូវការ។
ក្នុងបណ្ដាសារដែល TWITTER លុបចោល ពីបទរំលោភបំពានបែបបទនៃបណ្ដាញសង្គមសរសេរថា នាសប្ដាហ៍នោះ CDC បានប្រកាន់ថា តែ៦%ប៉ុណ្ណោះនៃចំនួនអ្នកបាត់បង់ជីវិត១៥៣.៥០៤នាក់ដែលជំរឿនឃើញ ជាអ្នកបាត់បង់ជីវិតពិតប្រាកដដោយសារវីរុស គឹចំនួនអ្នកបាត់បង់ជីវិតមានត្រឹមតែ៩.២១០នាក់។ អ្នកបាត់បង់ជីវិត៩៤%ទៀត គឺដោយសារជំងឹធ្ងន់ធ្ងរ២ទៅ៣ទៀត ដោយអ្នកបាត់បង់ជីវិតភាគច្រើនជាមនុស្សចាស់។ ប៉ុន្មានម៉ោងក្រោយមក CDC បានបង្ខំចិត្តបញ្ចេញប្រតិកម្ម ហើយបង្ហាញច្បាស់ពីសភាពការណ៍៕ ផ្ដល់សិទ្ធដោយ៖ កោះសន្តិភាព
