ទន្ទឹមនឹងការប្រកាសជាមួយនឹងទូរសព្ទ X3 SuperZoom ក្រុមហ៊ុន Realme ក៏បានភ្ជាប់មកជាមួយកាសត្រចៀកឥតខ្សែ Buds Q TWS ដែលទើបនឹងចេញលក់នៅទីផ្សារឥណ្ឌា ។

ទូរសព្ទ X3 SuperZoom នាំមកនូវការតម្លើងកាមេរ៉ាកាន់តែទំនើបជាងមុន ដែលមានសមត្ថភាព 5 x optical និងពង្រីកបានដល់ 60 ដង។ កាមេរ៉ានៅផ្នែកខាងក្រោយមានចំនួន ២គ្រាប់ដែលមួយមានទំហំ 64MP និងមួយគ្រាប់ទៀតមានមុខងារចាប់យករូបភាពទំហំ 2MP ។

ទូរសព្ទនេះត្រូវបានផលិតឡើងជាមួយអេក្រង់ទំហំ 6.6 inch ប្រភេទ IPS LCD និងគាំទ្រអេក្រង់ Refresh Rate រហូតដល់ 120Hz ។ ទូរសព្ទនេះបំពាក់ដោយបន្ទះឈីប Snapdragon 855+ ជាមួយនឹង RAM ទំហំ 8GB ឬ 12GB និងអង្គផ្ទុកទិន្នន័យ 128GB ឬ 256GB ។ ទូរសព្ទនេះអាចដោះសោដោយប្រើស្នាមម្រាមដៃ និងមានថាមពលថ្ម 4.200 mAh ជាមួយនឹងការសាកថ្មលឿន 30W ហើយដំណើរការដោយប្រព័ន្ធប្រតិបត្តិការ Android 10 ជាមួយនឹងកម្មវិធី Realme UI ។

ទូរសព្ទ Realme X3 SuperZoom មានពណ៌ខៀវ និងពណ៌ស ដែលមានតម្លៃចាប់ពី ២៧ ៩៩៩ INR ប្រហែល ៣៧០ ដុល្លារ។ គួរបញ្ជាក់ដែរថា ទូរសព្ទនេះគ្រោងនឹងដាក់លក់ជាផ្លូវការនៅថ្ងៃទី៣០ ខែមិថុនា ខាងមុខនេះ ៕

ប្រែសម្រួលដោយ៖ វិបុត្រ

ប្រភព៖ gsmarena

from： https://tnaot.com/km/m/detail/article/9422030