រឿងរ៉ាវផ្សេងៗនាក្លឹប FC Barcelona បានបន្តកើតឡើង ការដោះដូររុះរើក្រុមក៏កំពុងនៅតែបន្តផងដែរក្នុងក្លឹបដែលមានមូលដ្ឋាននាទីក្រុងកាតាឡាន់មួយនេះ។Luis Suarez ដែលជាកីឡាករមួយក្នុងចំណោមកីឡាករជាច្រើនទៀត ដែលត្រូវក្លឹបចង់ដាក់លក់ក្នុងរដូវក្តៅនេះ ទទួលបានការចាប់អារម្មណ៏ពីក្លឹបយក្ស Juventusហើយ។

Juventus ដែលជាក្លឹបកំពុងតាមប្រមាញ់ខ្សែប្រយុទ្ធកំពូលនោះ បានដាក់ Luis Suarez គឺជាជម្រើសខ្សែប្រយុទ្ធទី១ ដែលខ្លួនចង់បាន ស្របពេលដែលក្លឹបរបស់លោក Pirlo មួយនេះបានប្រាប់អោយខ្សែប្រយុទ្ធរបស់ខ្លួន Gozalo Higuain អោយរកក្លឹបថ្មីទៅដោយ Higuain មិនស្ថិតក្នុងគម្រោងរបស់ Pirlo ឡើយ។

គួរបញ្ជាក់ផងដែរថា Pirlo ត្រូវបានតែងតាំងជាគ្រូបង្វឹកថ្មីរបស់ក្លឹប Juventusក្រោយមានការបណ្តេញចេញលោក Sarri ដែលបរាជ័យក្នុងក្របខណ្ឌ័ Champion Leagueហើយ Pirlo នេះដែរក៏ជាអតីតខ្សែបម្រើឆ្នើមរបស់ Juventus ផងដែរ។

ប្រភព៖ Goal

from： https://tnaot.com/km/m/detail/article/9652915