Sign In 
នាយករដ្ឋមន្រ្តីនៃប្រទេសវៀតណាមបានមានប្រសាសន៍កាលពីថ្ងៃពុធថា ទោះបីស្ថានភាពមេរោគកូវីដ-១៩មានភាពប្រសើរឡើងវិញក៏ដោយ វៀតណាមមិនទាន់មានផែនការទទួលភ្ញៀវទេសចរអន្តរជាតិចូលមកប្រទេសខ្លួននៅឡើយទេ ព្រោះភ័យខ្លាចមានការឆ្លងរីករាលដាលរលកទី២។
លោកបានថ្លែងអំណរគុណដល់មជ្ឈមណ្ឌលដាច់ដោយឡែកកណ្តាល ដែលផ្ទុកអ្នកជំងឺបាន ៣៥២នាក់ និងព្យាបាលឱ្យបានជាសះស្បើយឡើងវិញទាំងអស់ និងមិនមានករណីស្លាប់សូម្បីតែម្នាក់។ នាយករដ្ឋមន្ត្រីនៃប្រទេសវៀតណាមលោក Nguyen Xuan Phuc បានមានប្រសាសន៍កាលពីថ្ងៃពុធថា “វៀតណាមមិនមានមូលហេតុដែលត្រូវប្រញាប់បើកច្រកអន្តរជាតិឡើងវិញនោះទេ”។
វិស្វករជំនាញត្រូវបានអនុញ្ញាតឱ្យចូលប្រទេសវៀតណាមតាមជើងហោះហើរពិសេសនិងត្រូវដាក់ឱ្យនៅដាច់ដោយឡែកក្នុងសណ្ឋាគាររយៈពេល ១៤ថ្ងៃជាមុនសិន។ រយៈពេលជាងពីរខែដែលប្រទេសវៀតណាមមិនមានអ្នកឆ្លងថ្មីក្នុងតំបន់។ កាលពីដើមខែមិថុនាប្រទេសវៀតណាមបានគ្រោងថានឹងចាប់ផ្តើមជើងហោះហើរទៅកាន់ប្រទេសដែលមិនមានអ្នកឆ្លងថ្មីក្នុងតំបន់រយៈពេល ៣០ថ្ងៃឬច្រើនជាងនេះ។ បណ្តាប្រទេសនៅអាស៊ីអាគ្នេយ៍ដែលមានចំនួនអ្នកឆ្លងថយចុះដូចជាប្រទេស ម៉ាឡេស៊ី និងថៃកំពុងពិចារណាធ្វើដំណើរកម្សាន្តទៅប្រទេសចិន កូរ៉េខាងត្បូង និងជប៉ុន។
កែសម្រួលដោយ៖ ភារ៉ា
ប្រភព៖ Bangkok Post
