Sign In 
ម៉ាឡេស៊ី៖ ប្រទេសម៉ាឡេស៊ីបានធ្វើការរារាំងពលរដ្ឋឥណ្ឌា ឥណ្ឌូនេស៊ី និងហ្វីលីពីនពីការចូលមកប្រទេសរបស់ខ្លួននេះចាប់ពីថ្ងៃចន្ទតទៅ ។
រដ្ឋមន្ត្រីក្រសួងការពារជាតិលោក Ismail Sabri Yaakob បានប្រាប់ក្រុមអ្នកយកព័ត៌មាននៅក្នុងសន្និសីទកាសែតតាមទូរទស្សន៍មួយ កាលពីថ្ងៃអង្គារថា ការរឹតត្បិតនេះនឹងប៉ះពាល់ដល់អ្នកដែលមានលិខិតឆ្លងដែនរយៈពេលវែង និស្សិត ជនបរទេស ជនអន្តោប្រវេសន៍ និងសមាជិកគ្រួសារម៉ាឡេស៊ី។ ភ្ញៀវទេសចរបរទេសទាំងអស់ត្រូវបានហាមឃាត់មិនឱ្យចូលតាំងពីខែមីនា។
នាយករដ្ឋមន្ត្រីលោក Muhyiddin Yassin បាននិយាយនៅក្នុងសុន្ទរកថា មួយកាលពីថ្ងៃសុក្រថា ប្រទេសម៉ាឡេស៊ីបានពង្រីកវិធានការណ៍ ដើម្បីទប់ស្កាត់ការរីករាលដាលនៃជម្ងឺរាតត្បាត រហូតដល់ដំណាច់ឆ្នាំនេះ ដោយសារវីរុសនៅតែរីករាលដាលយ៉ាងសកម្មនៅទូទាំងពិភពលោក។
ប្រទេសហ្វីលីពីនត្រូវបានតាមពីក្រោយ ដោយប្រទេសឥណ្ឌូនេស៊ី ដែលមានចំនួនករណីឆ្លងកូវីដច្រើនជាងគេនៅអាស៊ីអាគ្នេយ៍ ខណៈពេលដែលប្រទេសឥណ្ឌាកំពុងប្រឈមនឹងការឆ្លងសរុបជិត៤លាននាក់។ លោក Ismail បាននិយាយថា រដ្ឋាភិបាលម៉ាឡេស៊ីនឹងបន្តតាមដានស្ថានការណ៍ ហើយអាចពង្រីកការរឹតត្បិត ប្រសិនបើករណីវីរុសកើនឡើងនៅក្នុងប្រទេសជាច្រើន៕ ផ្ដល់សិទ្ធដោយ៖ កោះសន្តិភាព
