យុវជនម្នាក់ត្រូវបានគេប្រទះឃើញដេកស្លាប់នៅលើឆ្នេរខ្សាច់មួយក្នុង​ស្រុក Sattahip កាលពីម្សិលមិញ។

ប៉ូលិសសង្កាត់ Na Jomtien ត្រូវបានគេជូនដំណឹងអំពីឧប្បត្តិហេតុនេះកាលពីរសៀលម្សិលមិញនៅលើឆ្នេរ Na Jomtien ។ ពេលទៅដល់កន្លែងកើតហេតុប៉ូលិស បុគ្គលិកសង្គ្រោះបន្ទាន់ និងកាសែត ​Pattaya បាន​ប្រទះឃើញសាកសពបុរសជនជាតិថៃម្នាក់​ឈ្មោះ ​ Chaiwat Poeprasert​ អាយុ ២៥ ឆ្នាំដេកស្លាប់នៅលើឆ្នេរខ្សាច់ ដោយស្លៀកតែខោខ្លីមួយប៉ុណ្ណោះ ហើយនៅក្បែរ​នោះ បុគ្គលិកសង្គ្រោះក៏បានរកឃើញទូក​មួយផងដែរ។ សាកសពជនរងគ្រោះត្រូវបានបញ្ជូនទៅកាន់មន្ទីរពេទ្យក្នុងតំបន់ដើម្បីកំណត់ពីមូលហេតុពិតប្រាកដនៃការស្លាប់​។

ម្តាយរបស់​ជនរងគ្រោះគឺអ្នកស្រី Wassana Poeprasert ​បានប្រាប់ប៉ូលិស Na Jomtien ថាជនរងគ្រោះ​បានជិះទូកលើសមុទ្រដើម្បីស្វែងរកសំបកខ្យងនៅពេលព្រឹក​ ដែលពេលនោះគាត់កំពុងតែរង់ចាំកូននៅលើឆ្នេរ។

គាត់បានបន្តថា ​ជនរងគ្រោះ​មិនបានត្រឡប់មកវិញទេ ​​គឺឃើញតែទូកអណ្តែតនៅលើទឹក ហើយគាត់បានស្នើឱ្យអ្នកនេសាទក្នុងតំបន់ទាញទូក​ឡើងមកឆ្នេរវិញ បន្ទាប់មកស្រាប់តែ​គេ​ប្រទះឃើញជនរងគ្រោះស្លាប់ដោយ​ជាប់ខ្សែពួរ​នៅនឹងដៃហើយសាកសពនៅជាប់នឹងទូកនោះតែម្តង​​។  

​​ប៉ូលិស​ជឿជាក់ថា​ជនរងគ្រោះប្រហែលជាជាប់ដៃនឹងខ្សែពួរ​ហើយធ្លាក់ទៅក្នុងទឹក​ធ្វើឱ្យមិនមានកម្លាំងហែលទឹកបាន។ ទោះជាយ៉ាងណាក៏ដោយ ប៉ូលិសនឹងរង់ចាំ​លទ្ធផលធ្វើកោសល្យវិច័យរបស់គ្រូពេទ្យក្នុងតំបន់ដើម្បីកំណត់ពីមូលហេតុនៃការស្លាប់របស់​ជនរងគ្រោះ៕  

កែសម្រួលដោយ៖ ភារ៉ា

ប្រភព៖ the pattaya news

from： https://tnaot.com/km/m/detail/article/9651281