យើងបានដឹងហើយថា Real Madrid បានឡើងលើកំពូលតារាង La Liga កាលពីសប្តាហ៏មុនក្រោយក្លឹប Barcelona បានត្រឹមស្មើជាមួយ Sevilla 0 ទល់នឹង0។ ការនៅលើកំពូលតារាងនេះធ្វើអោយមានការពិភាក្សាគ្នាច្រើន និង ការបង្ហាញការមិនពេញចិត្តរបស់ក្រុមអ្នកមិនចូលចិត្តក្លឹបអធិរាជស។

ទោះជាយ៉ាងណា មេក្រុមអធិរាជស Sergio Ramos បានលើកឡើងថា៖ “ឥឡូវនេះមានការបញ្ចេញសំឡេងច្រើននៅបណ្តាញសារព័ត៌មាន។ ពួកគេមិនសូវនិយាយច្រើនប៉ុន្មានទេកាលពីមុន តែនៅពេលដែលយើងធ្វើបានល្អ ឡើងទៅលេខ១ ពួកគេបានរិះគន់យើងរហូត។ ពួកគេនិយាយពី VAR ប៉ុន្តែខ្ញុំគិតថាគ្មានអ្នកណាទទួលបានផលប្រយោជន៍ពីវាទេ។ ពួកគេមិនគួរចេះតែស្រមើស្រមៃទេ។”

គួរបញ្ជាក់ផងដែរថា Real Madridបន្តកាន់កាប់កំពូលតារាងរបស់ខ្លួនដោយមាន ៦៨ ពិន្ទុស្មើគ្នាជាមួយ Barcelona តែឈ្នះការប្រកួតទល់គ្នា(Head to Head)។ លើសពីនេះ La Liga នៅសល់តែ ៧ ប្រកួតទៀតប៉ុណ្ណោះដើម្បីសម្រេចរកឃើញអ្នកឈ្នះពានលីគនារដូវកាលនេះ។

ប្រភព៖ Goal.com

from： https://tnaot.com/km/m/detail/article/9421502