គ្រូបង្រៀនម្នាក់បានរងរបួសធ្ងន់ បន្ទាប់ពីរថយន្តរបស់គាត់​ជ្រុលចង្កូតទៅបុកដើមឈើមួយ​នៅ​ស្រុក Nongyai​ ខណៈពេលដែលគាត់កំពុងធ្វើដំណើរទៅ​ចេញពីទីក្រុងបាងកកទៅខេត្ត Chanthaburi ដើម្បី​ទៅលេងឪពុករបស់គាត់កាលពីម្សិលមិញ។

​ពេលមកដល់កន្លែងកើតហេតុក្រុមសង្គ្រោះបន្ទាន់​បានប្រទះឃើញរថយន្តរងការខូចខាតមួយគ្រឿង​កំពុងបុកទៅនឹងដើមឈើ​។

​ម្ចាស់រថយន្តឈ្មោះ Sahachart Suppakun ​អាយុ ៥៥ ឆ្នាំបានរងរបួស​ធ្ងន់ ហើយត្រូវបានគេនាំទៅមន្ទីរពេទ្យក្នុងតំបន់ដើម្បី​ទទួលបានការព្យាបាល។ ​ជនរងគ្រោះបានប្រាប់ប៉ូលិសថា គាត់គឺជាគ្រូបង្រៀនម្នាក់នៅទីក្រុងបាងកក ហើយគាត់បានបើកឡានពីទីក្រុងបាងកក​សំដៅទៅខេត្ត Chanthaburi ​ដើម្បីទៅលេងឪពុករបស់គាត់។

​ជនរងគ្រោះបន្តថា​ ដោយសារតែគាត់​គេងលក់មុនពេលមានគ្រោះថ្នាក់ ដូច្នេះហើយគាត់មិនច្បាស់ពីមូលហេតុពិតប្រាកដនោះទេ។ ជនរងគ្រោះបន្ថែមថា ​គាត់មិនបានគេងគ្រប់គ្រាន់​មុនពេលបើកបរទេ​ ណាមួយគាត់ក៏មាន​ជំងឺប្រចាំកាយផងដែរ។ ​ទោះជាយ៉ាងណាក៏ដោយ ប៉ូលិសនឹងស៊ើបអង្កេតអំពីមូលហេតុនៃគ្រោះថ្នាក់ ព្រមទាំងវាស់កម្រិតជាតិអាល់កុលជនរងគ្រោះផងដែរ៕

កែសម្រួលដោយ៖ ភារ៉ា

ប្រភព៖ the pattaya news

from： https://tnaot.com/km/m/detail/article/9651097