សារព័ត៌មាន Tass បានផ្សាយ នៅព្រឹក ថ្ងៃទី២៥ ខែមិថុនា ឆ្នាំ២០២០ ថា ជប៉ុនមានគម្រោងលុបចោលការដាក់ពង្រាយ ប្រព័ន្ធការពារដែនអាកាស Aegis Ashore ព្រោះវាអាចបង្កើតឲ្យមានគ្រោះថ្នាក់ដល់ពលរដ្ឋ។

ទីភ្នាក់ងារសារព័ត៌មាន Kyodo  បានរាយការណ៍ថា រដ្ឋមន្រ្ដីក្រសួងការពារជាតិជប៉ុន លោក  Taro Kono បានប្រកាស​ កាលពីថ្ងៃទី២៤ ខែមិថុនា ថា អាជ្ញាធរជប៉ុនបានសម្រេចចិត្តលុបចោលគម្រោង ដាក់ពង្រាយប្រព័ន្ធការពារមីស៊ីល Aegis Ashore ផលិតដោយអាមេរិក នៅលើអាណាខេត្តមួយចំនួនរបស់ខ្លួន រួមមាន Akita និង​Yamaguchi ។ ការសម្រេចចិត្ដនេះ​ បានធ្វើឡើង នៅក្នុងអំឡុងសម័យប្រជុំ ស្ដីអំពីសន្តិសុខជាតិ កាលពីថ្ងៃទី២៤ ខែមិថុនា ឆ្នាំ២០២០។

រដ្ឋមន្រ្ដីក្រសួងការពារជាតិជប៉ុន លោក Taro Kono បានថ្លែងថា កាលពីដើមខែនេះ រដ្ឋាភិបាលជប៉ុន បានសម្រេចពន្យារពេលគម្រោងដាក់ពង្រាយប្រព័ន្ធមីស៊ីលបាលីស្ទិក វាយប្រហារពីលើគោក ប្រភេទ Aegis Ashore របស់អាមេរិក។ ការដាក់ពង្រាយមីស៊ីលនេះ ក៏អាចជាការបង្កគ្រោះថ្នាក់ដល់ប្រជាពលរដ្ឋផងដែរ៕ ប្រែសម្រួលដោយ Nuon

from： https://tnaot.com/km/m/detail/article/9421476