Sign In 
កំពង់ស្ពឺ៖សមត្ថកិច្ចបានបញ្ជូនស្រីនិងប្រុសសហាយ ដែលស្ទាក់សម្លាប់ប្តីខ្លួនឯង ទៅតុលាការបន្ទាប់ពីរៀបគំរោងសម្លាប់ប្តីមិនបានសំរេចរួចមកការបញ្ជូននេះធ្វើឡើងនៅរសៀល ថ្ងៃទី៣១ ខែសីហា ឆ្នាំ២០២០ បន្ទាប់ពីឃាត់ខ្លួនសហាយកាលពីថ្ងៃទី២៨សីហា២០២០ បើកយោងតាមមន្ត្រីនគរបាលព្រហ្មទណ្ឌកំរិតធ្ងន់ នៃស្នងការដ្ឋាននគរបាល ខេត្តកំពង់ស្ពឺ បានឲ្យដឹងថា ស្ត្រីដែលនាំប្រុសសហាយ មកចាំកាប់ប្តីខ្លួនឯងនោះ មានឈ្មោះ ឃឺន ស្រីរដ្ឋ អាយុ ១៩ឆ្នាំ មុខរបរ នៅផ្ទះ រស់នៅក្នុងភូមិអង្គតាឯក ឃុំភ្នំតូច ស្រុកឧដុង្គ ។
ស្ត្រីផិតក្បត់ប្តីនោះ បានប្រើល្បិច អោយប្តីរបស់ខ្លួនឈ្មោះ ជឿន ធារ៉ា អាយុ ១៧ឆ្នាំ រស់នៅភូមិអង្គតាឯក ឃុំភ្នំតូច ស្រុកឧដុង្គ ថាឲ្យជូនទៅហូបមីហឹរ នៅផ្សារថ្នល់ទទឹង លុះដល់ម៉ោង ៨ យប់ ទើបត្រឡប់ទៅវិញ។ ខណៈនោះ ឈ្មោះ ស្រីរដ្ឋ បានទូរស័ព្ទហៅ ឲ្យឈ្មោះ ធីម ធា ហៅ ហ័ង អាយុ២០ឆ្នាំ មកស្ទាក់សម្លាប់ប្តីខ្លួនឯង នៅពេលពួកគេ ជិះតាមផ្លូវលេខ ៥១ ដល់ចំណុចខាងត្បូង វត្តអង្គតាឡិក ស្ថិតក្នុងភូមិអង្គតាឡឹក ឃុំសំបូរ ស្រុកសំរោងទង ដោយជនសង្ស័យ ឈ្មោះ ធា ជិះម៉ូតូ ម៉ាកហុងដា វេវ ពណ៌ខៀវ គ្មានស្លាកលេខ 
ប្រភពដដែល បានបន្តទៀតថា ខណៈប្តីប្រពន្ធនោះ បានធ្វើដំណើរមកដល់ចំណុចកើតហេតុ ជនសង្ស័យ បានឃាត់ ម៉ូតូជនរងគ្រោះ រួចឈ្មោះ ស្រី រដ្ឋ ជាប្រពន្ឋបានចុះពីលើម៉ូតូហើយក៏បានយកដាវ ពីឈ្មោះធឹមធាជនសង្ស័យកាប់លើឈ្មោះ ជឿន ធារ៉ា ជាប្តីតែកាប់មិនត្រូវជនរងគ្រោះ ក្រោយឃើញសភាបការណ៍មិនស្រួលជនរងគ្រោះ ក៏ជិះម៉ូតូគេចទៅបាត់ ចំណែកជនសង្ស័យ ធឹមធាបានដឹកឈ្មោះ ស្រីរដ្ឋ មកលេងសួនច្បារ ខេត្តកំពង់ស្ពឺដេកនៅទីនោះមួយយប់លុះព្រឹកឡើងក៏ត្រូវសម្ថកិច្ចឃាត់ខ្លួនតែម្ត។បន្ទាប់ពីសសមត្ថកិច្ចឃាត់ខ្លួនជនសង្ស័យទាំងពីរនាក់ហើយត្រូវឃុំខ្លួន នៅស្នងការដ្ឋាននគរបាលខេត្ត រង់ចាំតុលាការ ចាត់ការតាមនីតិវិធី ៕ផេង ភាព
