Sign In 
អង់គ្លេស ៖ ក្លិបតោខៀវ Chelsea បានដាក់តម្លៃ ៨០ លានផោនលើខ្សែបម្រើបារាំង N’Golo Kante របស់ខ្លួន ខណៈដែលលោក Antonio Conte បានប្តេជ្ញាចិត្តនឹងនាំយកកីឡាកររូបនេះ មករួមក្រុម Inter Milan ឲ្យទាល់តែបាន។
លោក Antonio Conte ដែលធ្លាប់ជាអ្នកចាត់ការទូទៅ Chelsea នៅចន្លោះឆ្នាំ ២០១៦ ដល់ឆ្នាំ ២០១៨ បានប្រាប់ក្រុមប្រឹក្សា Inter Milan ថា លោកចង់បានកីឡាករចំនួន ៣នាក់ ពីអតីតក្លិបចាស់របស់លោក។ គ្រូបង្វឹកអ៊ីតាលីវ័យ ៥១ឆ្នាំរូបនេះ បានបញ្ជាក់ថា ក្រៅពី Kante លោកចង់បានខ្សែការពារ Emerson Palmieri និងខ្សែប្រយុទ្ធ Olivier Giroud បន្ថែមទៀត។
ការចង់បានកីឡាករទាំង ៣នាក់ខាងលើកើតឡើង បន្ទាប់ពីលោកកមើលឃើញថា Chelsea បានចុះហត្ថលេខានាំយកកីឡាករ Timo Werner, Hakim Ziyech, Ben Chilwell និង Thiago Silva ហើយឆាប់ៗនេះ ពួកគេនឹងត្រៀមស្វាគមន៍ខ្សែប្រយុទ្ធឆ្នើម Kai Havertz របស់ក្រុម Bayer Leverkusen ដែលគ្រោងនឹងមកដល់នៅសប្តាហ៍នេះ ជាមួយកិច្ចព្រមព្រៀងមានតម្លៃ ៩០លានផោន។កត្តានៃការនាំចូលកីឡាករច្រើនបែបនេះហើយ ដែលនឹងធ្វើឲ្យកីឡាករចាស់មួយចំនួនក្នុងក្រុមនេះ បាត់បង់តំណែងរបស់ខ្លួន សម្រាប់ការប្រកួតរដូវកាលក្រោយ៕ ផ្តល់សិទ្ធិដោយ៖ កោះសន្តិភាព
