Sign In 
ក្មេងប្រុសម្នាក់ឈ្មោះ Faizan Ahmad Najar អាយុ១២ឆ្នាំ មានដើមកំណើតនៅប្រទេសឥណ្ឌា កើតមកមានមេដៃបន្ថែមទាំងឆ្វេងនិងស្តាំងធ្វើឲ្យម្រាមដៃសរុប ឡើងដល់១២។ ឪពុកម្តាយក្មេងប្រុសរូបនេះ បដិសេធមិនឲ្យកាត់ចេញទេ ដោយពួកគេនិយាយថា ជួយកូនគាត់ ធំឡើងពូកែចាប់កូនបាល់កីឡាគ្រីឃីត cricket និងលេងហ្គេមវីដេអូបានល្អ ជាងមិត្តភក្តិរបស់គាត់ ។
ក្មេងប្រុស Najar និយាយថា មានម្រាមដៃ១២ មានន័យថា គាត់ល្អជាងមិត្តភក្តិដទៃ នៅពេលឡើងដើមឈើ ក៏ឡើងបានលឿន ហើយលេងនៅក្នុងវីដេអូហ្គេមក៏លេងបានល្អ រហូតក្លាយជាជើងឯកក្នុងការប្រកួតហ្គេមវីដេអូថែមទៀត ហើយថែមទាំងពូកែលេងកីឡាគ្រីឃីត ផងដែរ ជាកីឡាដែល Najar ចូលចិត្ត ។
នៅពេលសួរអំពីអារម្មណ៍របស់ក្មេងប្រុសមានម្រាមដៃ១២នោះ Najar បានឆ្លើយដោយគ្មានការខ្មាស់អៀនថា “ខ្ញុំមានមោទនភាពចំពោះវា” ហើយខ្ញុំមានមិត្តភក្តិល្អៗជាច្រើននៅក្នុងសាលារៀន៕ ដោយ៖ ត្នោត
