​ជម្លោះមួយបានកើតឡើងយ៉ាងក្តៅគគុក​នៅក្នុងហាងស្រាមួយដែលបានឈានដល់ការប្រើអំពើហឹង្សាបណ្តាលឱ្យមានមនុស្សម្នាក់ស្លាប់នៅពេលទៅដល់មន្ទីរពេទ្យ និង​ ៤ នាក់ផ្សេងទៀតរងរបួសដោយសារគ្រាប់កាំភ្លើង​។

ប៉ូលិសស្រុក Muang Ang Thong ត្រូវបានគេជូនដំណឹងអំពី​ការបាញ់ប្រហារមួយនេះនៅឯហាងស្រាមួយ​​តាមបណ្តោយផ្លូវ Ang Thong Bypass ក្នុងសង្កាត់ Phosa ​នៅវេលាម៉ោងប្រហែល ១ រសៀលថ្ងៃអាទិត្យ។ ​ពេលទៅដល់កន្លែងកើតហេតុ ប៉ូលិសបានរកឃើញមនុស្ស ៥ នាក់រងរបួសហើយម្នាក់ក្នុងចំណោមពួកគេបានស្លាប់នៅពេលបញ្ជូនទៅដល់មន្ទីរពេទ្យ។ ​ជនរងគ្រោះដែលបានស្លាប់​ឈ្មោះ Prasert Sawek អាយុ ៤២ ឆ្នាំ ជាអ្នកស្រុក​ Muang Ang Thong ​​មានតួនាទីជាមន្រ្តីរាជការក្នុងខណ្ឌ Phra Nakhon នៃទីក្រុងបាងកក។ អ្នករងរបួសបួននាក់ទៀតត្រូវបានបញ្ជូនទៅមន្ទីរពេទ្យ Ang Thong។ ​ជនរងគ្រោះដែលរងរបួសរហូតដល់ស្លាប់បាន​ញ៉ាំស្រាជាមួយមិត្ដភក្ដិពីរបីនាក់រហូតដល់ម៉ោងហាងបិទទ្វារ ស្រាប់តែពួកគេឈ្លោះប្រកែកគ្នាជាមួយអ្នក​ភ្ញៀវដទៃទៀតដែលនៅក្នុងហាង​បណ្តាលឱ្យមានការបាញ់ប្រហារគ្នាគួរឱ្យរន្ធត់។ ក្នុងហេតុការណនេះបណ្តាលឱ្យបុគ្គលិកភោជនីយដ្ឋានម្នាក់រងរបួសផងដែរ។

ប៉ូលិសបានព្យាយាម​ត្រួតពិនិត្យកាមេរ៉ាសុវត្ថិភាពរបស់ហាង​តែវីដេអូត្រូវបានខូចខាតទាំងស្រុង។ ​ប៉ូលិសកំពុងសួរចម្លើយសាក្សីដែលនៅក្នុងហេតុការណ៍ដើម្បីដឹងពីដំណើររឿងទាំងមូល៕  

កែសម្រួលដោយ៖ ភារ៉ា

ប្រភព៖ nation thailand

from： https://tnaot.com/km/m/detail/article/9647708