ក្លិប Everton បានចេញសេក្តីប្រកាសនៅលើគេហទំព័រផ្លូវការរបស់ខ្លួនថា ខ្សែបម្រើ Morgan Schneiderlin នឹងផ្លាស់ទៅលេងឱ្យក្លិប Nice ដោយឥតគិតថ្លៃ នៅរដូវកាលក្រោយ។

កីឡាករអន្តរជាតិបារាំងវ័យ៣០ឆ្នាំរូបនេះ បានចុះកុងត្រាជាមួយ Everton កាលពីខែមករា ឆ្នាំ២០១៧ ក្រោយចាកចេញពីក្លិប Manchester United ក្នុងកិច្ចព្រមព្រៀងមួយដែលត្រូវបានគេរាយការណ៍ថាមានតម្លៃរហូតដល់ទៅ ២៤លានផោន។ ក្រោយលេងឱ្យ Everton ជិតបីរដូវកាលកន្លងទៅ Schneiderlin បង្ហាញខ្លួនបានចំនួន ៨៨ប្រកួត ហើយរកគ្រាប់បាល់បញ្ចូលទីបានត្រឹមតែ ១គ្រាប់ប៉ុណ្ណោះ។

Schneiderlin នឹងត្រូវរង់ចាំរហូតដល់ទីផ្សាររដូវក្តៅបើកទ្វារសិន ទើបអាចផ្លាស់ទៅចូលរួមជាមួយក្លិប Nice ជាផ្លូវការនៅប្រទេសបារាំង។ សម្រាប់រដូវកាលនេះ Nice បានបញ្ចប់យុទ្ធនាការរបស់ពួកគេ ដោយឈរនៅលេខ៥ ក្នុងក្របខ័ណ្ឌ Ligue 1 ។

កែសម្រួលដោយ៖ ភារ៉ា

ប្រភព៖ livescore

from： https://tnaot.com/km/m/detail/article/9416818