តាមសេចក្តីរាយការណ៍នៅអ៊ីតាលីបានឱ្យដឹងថា ក្លិប Asteras Tripolis ឈានដល់កិច្ចព្រមព្រៀងលក់ខ្សែការពារ Georgios Kyriakopoulos ទៅឱ្យក្លិប Sassuolo ក្នុងតម្លៃ ១លានអឺរ៉ូ ឬប្រមាណ១លាន ២សែនដុល្លារ។

ក្រោយខ្ចីជើងបានជិតមួយរដូវកាលកន្លងទៅ Sassuolo សម្រេចចុះហត្ថលេខាលើកីឡាករ Kyriakopoulos ដើម្បីទិញផ្តាច់កុងត្រាពីក្លិប Asteras តែម្តង។

កីឡាករអន្តជាតិក្រិកវ័យ២៤ឆ្នាំរូបនេះ បង្ហាញខ្លួនឱ្យក្លិប Sassuolo បានចំនួន ១៦ប្រកួត ហើយមិនទាន់រកគ្រាប់បាល់បញ្ចូលទីនៅឡើយទេ ប៉ុន្តែធ្លាប់បោះបាល់ឱ្យមិត្តរួមក្រុមបញ្ចប់ទី (Assist) ៣លើក ក្នុងក្របខ័ណ្ឌ Serie A របស់អ៊ីតាលីរដូវកាលនេះ។

កែសម្រួលដោយ៖ ភារ៉ា

ប្រភព៖ football-italia

from： https://tnaot.com/km/m/detail/article/9415116