ប្រធានក្រុមរបស់ក្លឹប Burnley កីឡាករ Ben Mee បានសម្ដែងការខកចិត្ដយ៉ាងខ្លាំងចំពោះអ្នកគាំទ្ររបស់ខ្លួន បន្ទាប់ពីអក្សរ «White Live Matter Burnley» ត្រូវបានអ្នកគាំទ្របង្ហោះទៅលើអាកាស ស្របពេលកីឡាករទាំងអស់កំពុងសម្ដែងការលើកកំពស់ទៅលើជនជាតិស្បែកខ្មៅ ឲ្យមានសិទ្ធិស្មើគ្នា «Black Live Matter»។

«ពួកយើងមានមនុស្សមួយក្រុមដែលធើ្វឲ្យយើងខ្មាស់គេ។ មនុស្សទាំងអស់នោះគួរតែដើរក្នុងសត​វត្សរ៍ទី២១ និងអប់រំខ្លួនឯង។ ពួកគេពិតជាមិនយល់នូវចំណុចមួយចំនួនដែលពួកយើងកំពុងតែធើ្វ។ ពួកគេប្រៀបបានទៅនឹងជនជាតិភាគតិចចឹង» ប្រធានក្រុម Burnley កីឡាករ Ben Mee និយាយទៅកាន់ទូរទស្សន៍ Sky Sports ក្រោយចប់ការប្រកួត។

«វាមិនត្រឹមត្រូវក្នុងការធើ្វបែបនេះ។ ខ្ញុំសង្ឃឹមថា ពួកគេទាំងនោះនឹងរៀនយល់បន្ថែមទៀតអំពីអ្វីដែលប្រជាជនស្បែកខ្មៅត្រូវការក្នុងការរស់នៅប្រចាំថៃ្ង។ ពួកយើងចង់បានភាគស្មើគ្នាក្នុងសង្គម ក្នុងបាល់ទាត់ និងក្នុងអ្វីៗគ្រប់យ៉ាង»៕

ប្រភព៖ Dailymail

from： https://tnaot.com/km/m/detail/article/9415103