Sign In 
សុខភាព
សូមបន្តការប្រុងប្រយ័ត្ន ទោះគ្មានករណីឆ្លងក្នុងសហគមន៍ ប៉ុន្តែករណីនាំចូលនៅតែមាន ថ្ងៃនេះរកឃើញម្នាក់ទៀត
នៅព្រឹកថ្ងៃអង្គារ៍នេះ កម្ពុជារកឃើញករណីឆ្លងកូវីដ ១៩ ថ្មីចំនួន ១ករណីទៀត ដោយនាយកដ្ឋានប្រយុទ្ធនឹងជំងឺឆ្លង CDC របស់ក្រសួងសុខាភិបាល អះអាងជាករណីនាំចូល។
យោងតាមសេចក្តីប្រកាសព័ត៌មាន ចេញផ្សាយកាលពីម៉ោង ៩ព្រឹក ករណីរកឃើញថ្មីនេះ គឺជាជនជាតិខ្មែរ ទើបត្រឡប់មកពីសហរដ្ឋអាមេរិក ដោយបានធ្វើតេស្តវិជ្ជមានកូវីដ ១៩ នៅថ្ងៃទី ២២ មិថុនា ខណៈពេលនេះ ត្រូវដាក់ឲ្យសម្រាកព្យាបាល នៅឯមន្ទីរពេទ្យមិត្តភាពខ្មែរ-សូវៀត។
គិតមកទល់នឹងពេលនេះ ចំនួនអ្នកឆ្លងកូវីដ ១៩ នៅកម្ពុជា កើនឡើងសរុប ១៣០នាក់ ភាគច្រើនជាករណីនាំចូល ដោយក្នុងនោះ ១២៧នាក់ បានជាសះស្បើយ និង ៣នាក់កំពុងសម្រាកនៅមន្ទីរពេទ្យ៕ ដោយ៖ ត្នោត
